* ماما
- أيوه يا زو
*على فكرة أنا بحبيييكي
- وأنا باموت فييكي
* انتي قلبك أبيض زي الفلة
- ههههه... والله أنت عسل يا زو وقلبك أبيض زي الياسمين
* لا أنا قلبي اسود شوية
- ليه؟؟
*عشان ضربت نور
- لا خلاص الموضوع ده خلص..
* أنا قلبي شوية إسود وشوية أبيض ..... كل الناس قلبها شوية إسود وشوية أبيض
- طب ونور؟
* نور... قلبه الــــوان
هناك 3 تعليقات:
باحب أجي هنا قوي
الوقت هنا ليه كثافة طفولية ممتدة،
الكثافة الحقيقية الناصعة اللي بتيجي من مناطق بِكرْ ،،،،عارفة: الشمس فجأة:)
آية(أختي-11 سنة) بتحب تيجي هنا برضه
سلام لزو وسلام لصاحب القلب الملوَن
ازيك يا ولد انت وازاي آيه الحلوة
انا كده ضفت لاولادي الكتير بنت حلوة كان نفسي فيها
واوعي تخرب لها مخها سيبها على طبيعتها هي هتوصل لوحدها
البنت تمتلك مفاتيح الحياة لانه حدسها ادق واعمق واصدق وابسط بكتير
وكمان لانها اقرب للطبيعة...
واهلا بيكوا مع نورو وزو وعلى فكرة انا لا اضيف شيئا انا زيكوا بالضبط مندهشة يمكن المناطق البكر اللي بتقول عليها:))
خلي بالك من آية الحلوة ربنا يحميها
اللهم صلى وسلم وبارك على سيدنا محمد
إرسال تعليق