-ماما؟
*ايوه
-انتي عارفة إن أنا طفل؟
*(التفات وضحك) ايه؟
-(كسوف)
*طب يعني ايه طفل؟
-مس هاقولك
*ليه؟
-هتضحكي عليا
*(بجد جد جداً) لا لا وعد
-طفل يعني ولد صغير (بأسف)
*مين اللي قالك
-انا اللي قلت لنفسي.... بعدين هاكبر بقى.... وأنتي هتموتي (بداية نحيب) وأنا هازعل عليكي
*لا يا حبيبي مش هاموت دلوقتي متخافش
-امتى هتموتي؟
*لما شعري كله يبقى أبيض جدا
-(تفكير) زي تيته؟
*لا تيتة لسه عندها شوية شعر اسود
-لسه مس هتموتوا دلوقتي؟
*اه يا حبيبي
-عسان أنا بحبـــييكي ومس عايزك تموتي دلوقتي
*وانا كمان باموت فيك يا زيزو ....متخافش أنا مش هاسيبك
بوسة وحضن دفوني
*ايوه
-انتي عارفة إن أنا طفل؟
*(التفات وضحك) ايه؟
-(كسوف)
*طب يعني ايه طفل؟
-مس هاقولك
*ليه؟
-هتضحكي عليا
*(بجد جد جداً) لا لا وعد
-طفل يعني ولد صغير (بأسف)
*مين اللي قالك
-انا اللي قلت لنفسي.... بعدين هاكبر بقى.... وأنتي هتموتي (بداية نحيب) وأنا هازعل عليكي
*لا يا حبيبي مش هاموت دلوقتي متخافش
-امتى هتموتي؟
*لما شعري كله يبقى أبيض جدا
-(تفكير) زي تيته؟
*لا تيتة لسه عندها شوية شعر اسود
-لسه مس هتموتوا دلوقتي؟
*اه يا حبيبي
-عسان أنا بحبـــييكي ومس عايزك تموتي دلوقتي
*وانا كمان باموت فيك يا زيزو ....متخافش أنا مش هاسيبك
بوسة وحضن دفوني
هناك تعليقان (2):
كذا حاجة دلوقتى عايزة تنعمل
1
أبتسم
فرحاً برجوعك
2
اضجك من قلبى قووووى
على البراءة
3
اتنهد من الشجن
لأن البوست رقيق
جدااا
4
عينى ترغرغ
عشان افتكرت حوارات
يوسف المشابهة لزياد
5
ادعي لنور وزياد ويوسف
يفضلوا فرحة دنيتنا
وربنا ما يحرمنا
من النعمة دى
6
ابعت بوسات وحضونات
يا ام الزاد والنور
♥
حبيبة قلبي
انا عارفة اني ندلة جدا
جدا جدا
ومش عارفة اقول ايه على التعليق اللي خلى برضه عنيا تغرغر؟؟
بس ده شىء متوقع من واحدة قلبها قلب طير :))
زياد بيعرف يوجعني من كذا حته ومن كذا حاجة بس ابن اللذينا عليها ابتسامة لا يعدمها ابدا بتجنني وبتجنن اي حد يشوفها تقومي وانتي بتبكي منه تضحكي عليه ولما بقى يخدك في حضنه ويقول لك بحبيييكييي
ربنا ما يحرمنا ابدا منهم .... هم سبب وجودنا وفرحتنا
ويا رب يطمنك على يوسف حبيبي برضه ويبارك فيه
منورة قلبي قوي وحضوناتك دفتني هي كمان
إرسال تعليق