فجأة أدركت ان النهاردة هو أخر يوم في 2009!
طيب إدراكي البطيء مش هيلحق يجمع أشلائه عشان يفوق ويفهم الحدث...
كنت فاكرة إنه لسه شوية أيام
أحاول الرجوع بسرعة لسنة كاملة للتقيم وإخراج المزيد من الهرتلة ، لقتني مش فاكرة حاجة تذكر
ده مش يأس ولا حزن ولا زعل على أقل تقدير لا لا... دي واقعية
نفس الايقاع البطئء للأشياء نفس الظرف وتقريبا نفس الأحداث
شوية تغير حصلوا اكيد مؤكد طبعا
نور بيقول علي أنني دايما مش مبسوطة ... وضحكتني الجملة جدا وأدهشتني أكتر لانها واقعية ... ازاي الولد ده قدر يكشف أعماقي اللي باحاول أخبيها حتى لا يرث الفوضى؟؟؟
والمدهش أنه بكلمات بسيطة جدا قدر يفهمنا كلنا وحدد لكل واحد مشكلته بسخرية...إزاي احنا معقدين كده وازاي الاطفال لهم رؤية بسيطة ومباشرة؟؟؟ ماشي يا نور
وزياد بقى عسل وحساس جدا ولسه محتاج يثق في الدنيا العجيبة دي ....ولسه بيفضل الحضن العميق عن اي حاجة تانية
ونفس المطالب والاحتياجات هي هي
البوري المشوي ... زيارة الحسين ... الذهاب لمكان جديد والذهاب لاماكن قديمة جدا وقديمة شوية ... المرتبة القطن والمخدة القطن
عصير القصب ...قراءة شيء حقيقي خالص ... أن يكون العالم اقل وقاحة وسوء ... وان يتمتع البشر ببعض التواضع والمصداقية
ماذا يمكن للمرء ان يتمنى على أعتاب عام جديد
كل حاجة واي حاجة؟؟
لا اعرف مازال ادراكي بطيء وتقريبا لا يهتم لا نحتاج لعام جديد لتجديد الشعور بالمرارة والتطلع للجديد ... نحتاج لجلد جديد وبعض التواضع وبعض الحلم وللكثير من الصبر والكثير من الاقدام والثقة بالنفس
فلتأت ايها العام الجديد... لم أعّد لك شيئا يذكر ربما تحدث مفاجأت لا تعول عليها... وربما يظل ادراكي كما هو بطيء ماكر يسخر من حماقات البشر...
واخيرا هابي نيو يير
:))
هناك 4 تعليقات:
ربنا يجعل كل أيامك
و سنينك خير يا أمل
صعبة قوى حكاية إنعدام الوزن دى
تبقى زى ما تكونى لا فرحانة
و لا زعلانة
حالة غريبة
رغم كل شىء الواحد ساعات
بيحتاج يحس بفرق
حتى لو هيحزن عليه
و بسببه
بكرة فيه لقاء حريمى
برعاية خيخة
تعرفى ؟
انتى اكتر واحدة
كنت بتمنى أشوفها ف اليوم دا
يمكن لإن بينا رابط خفى
و عنه مبنتكلمش كتير
لكن بحس قلبك دايما فاهمنى
و بحس إن قلبى عارفك قوى
و من غير كلام
مسيرك ترجعى بالسلامة
إن شاء الله
و نتقابل ف يوم
بوسيلى الزاد و النور
بوسة و حضونات يا قلب الطير
ليه مش مبسوطه؟؟؟
رغم ان رغباتك و امنياتك كلها بسيطه و جميله
ازاى يكون عندك فى البيت ارواح شفافه زى نور و زياد و تزعلى ابدا؟؟؟؟
فاطيما
ببوسك من هنا لعندك في الدور ال11
وكل سنة وانتي اسعد يا رب
:))
مهرة
عندك حق ايه الملل ده وايه الطفاسة دي؟؟!!
ده كفاية نور كده يبص لي ويقول مالك يا ماما فيه ايه انتي زعلانة اصل وشك احمر شوية؟؟
:)))
عقبالك يا رب يا رب
كل سنة وانتي طيبة
:))
يا ام الزاد و النور
انتى فييييييييييييييين؟؟؟
وحشتينى قوى
قوى
قوى
قوى
قوى
قوى
إرسال تعليق