نــور و زيــاد ة

رمضان كريم

2011-07-31T05:46:00.000-07:00

- ماما؟
* أيوه .
- إنتي عارفة أنا بحبك قد إيه؟
* عارفة يا زِيود
- لأ مش عارفة.
* بتحبني قد إيه؟
- بحبك قد كل الفوانيس ...

كوكب تاني

2011-06-01T05:54:00.000-07:00

- ماما؟
* ايوه يا زو
- إحنا بقى لنا كتير في العالم ده... أنا عاوز أروح الفضاء
* تروح فين؟؟
- أروح الفضاء ...أنا زهقت من العالم ده!
* عاوز تروح فين في الفضاء .. النجوم؟
- عاوز أروح كوكب تاني...

حواديت

2011-04-05T06:49:00.000-07:00

ابتزاز

شجار عنيف ... ينزوي زياد جانيا مع الحرص على ان اسمع كل ما يقول
- رب موتني بقى
= طناش
- باقول لك موتني بقى
-= طناش
- انا هاموت
= طناش
- انا هاموووووووووووووووت جدا
= طناش
- يا رب موتني بقى
باقول لك موتني ... هاتموتنى ولا هاضربك؟
انا هاموت جدا ... بصوت اعلى انا هاموووووووووووووووت جدا جدا
صمت يحلق
بصوت اقل حدة - تقريبا عتاب

-فيش بعد الشر عليك؟؟؟
=(ضحك وأصالحه ).. انت اكبر مبتز في التاريخ
- ماما انا بحبيكي
= وانا كمان يا زو بس لازم تسمع الكلام
- وانتي كمان لازم تسمعي الكلام!!!

شاطر

اودعه للمدرسة
= يلا سلام ... خليك شاطر وعاقل بقى
- وانتي كمان ... خليكي شاطرة وعاقلة مع بابا!

زواج

= نور .. لما تكبر بقى يا حبيبي .. عاوزة افرح بيك .. تتجوز بقى وتخلف ... عاوزة احفاد .. فاهم
* لا انا مش هاجوز
= ناااااااااااااااااااااااعم؟؟؟
* انا مش عاوز زن عاوز ابقى براحتي... مش عاوز اتجوز
= هاتتجوز غصبن عنك .. هو بمزاجك؟؟؟ امال انا باتعب واخلف واربي عشان سيادتك تقولي في الاخر مش هاجوز؟؟!!!!
*(يبتسم فيما معناه بياخدني على قد عقلي)... انا مش عاوز اتجوز يا ماما
= هاتجوز بس طبعا مش دلوقتي لما يبقى عندك 18 ولا حتى 20 سنة عشان الحق
* طيب ممكن اختار
= هتجوز مصرية وانسى آني وآندريا بتوعك دول

احتد النقاش واذ فجأةً نسمع صياح
- انا عاوز اجوز يا ماما... انا هاجوز سارة .. انا بحبها
= ؟؟!!!!!!!!!!!!

-ها ... انا هاجوز امتى؟؟؟

حلم

- ماما ؟
= ها يا زو
- انتي عارفة ..انا لما بقفل عيني باحلم
= وايه كمان
-(ابتسامة حلوة) ... بس كده!!

خواطر عما حدث...

2011-02-15T11:28:00.000-08:00

الصمت في الوقت الحالي لا يجوز ..
أو ان الزخم القوي لاحداث دامت 18 يوماً ... يدفعنا لكل شىء ممكن للكلام، للضحك، للخوف، للكتابة، للفرحة والترقب والحلم ، للشك... لاي شيء عدا الصمت والإنزواء... لذلك لا يجوز الصمت
ربما اعلق على بعض النقاط في هذا البوست او في عدة بوستات لا أعرف سأرى ما يقودني إليه الحدث!!
في يوم 25 يناير شعرت أنه أمر كبير بمعنى أن المظاهرة ستكون كبيرة لان التجمعات والدعوات لها منتشرة .. لكني كنت خائفة من تعامل الأمن عالعادة معها وهو أمر معتاد منذ فتر بمصر الإحتجاجات والاضرابات والشكوى العقيمة والرد الصلف .. كنت

أتابع الجرائد الالكترونية وانظر لأكثرها تعليقاً واجدها عادة خناقات مرتضى وشوبير وتصريحات الفنانات والكورة ومقالات الوقيعة الدينية والخ الخ ... ولأنني على اي حال بالخارج ... كنت أترقب
ثم مرت الايام... اليوم تلو الاخر بمنتهى الثقل والزخم والرعب والامل والارهاق ايضاً... كنا ننام بشكل سيء للغاية وخصوصا زوجي بنام 3 ساعات او اقل يوميا نقلب كل المحطات الجزيرة العربية والجرائد اليوم السابع الحياة الشرق الاوسط الشروق مصراوي الخ الخ
زوجي باحث في العلوم السياسية .. وتوقع من اليوم الاول أن مبارك لن يستسلم ويهرب مثل ابن على لانه رجل جيش له شرفه العسكري ومعاتد وتوقع اموراً اخرى كثيرة ايضاً معظمها تحقق ولديه توقعات بأخرى ادعو الله الا تتحقق!!
لكن الامر الواقع الذي نمسك بخيوطه أن هؤلاء الشباب الذين لا يمتلكون الا الحماس والعناد والرغبة في رفع الرأس والعزيمة وهي امور لا تحتاج الى تذكير قد استطاعوا ان يلفوا حولهم القلوب والعزائم المعطلة وانتفضت مصر أخيراً بعد صبر ومراوغة وتحايل وسقط النظام...
30 عاما من الركود تبعها 18 يوماً من الزخم غير العادي المرعب المحير المربك السلمي ...المدهش!!!

توقفت كثيراً أمام مشهد المصريين وهم يصنعون من ميدان التحرير مدينة فاضلة جديدة جديرة بهم بل يسحبون كل مخزونهم الثقافي والحضاري ليعيدوا بناء الانسانية الاولى والعالم من جديد... وهذا يسوقنا لإعادة النظر في ثوابتنا الفكرية وايقوناتنا الثقافية المستوردة واسمحوا لي أن العن ابو يوتوبيا الغرب .. لدينا هنا ومن اعماق ثقافتنا المعجونة بطين النيل وأيدي الفلاحين الخشنة وعزائم الشباب المطعون سابقاً في رجولته مثالا يضرب عم أفلاطون بالجزمة لأنه نموذج تحقق في لحظة عدم استقرار وعنف وتوتر قومي!!!والأهم ان مدينة افلاطون لم تتحقق مطلقا!!!
الثورة عادة بها ثائرون وافقون غاضبون مناورون يهزون نظاماً ويسعون لسقوطه يكرون ويفرون ولكن المدهش أن المصريين امتلكوا مع كل ذلك الوقت للرسوخ والبناء والإستقرار والغناء والامن والنكات والأمل والتأمين والنوم تحت جنازير الدبابات مع الحرص على عبوات الشاي اللبتون بين جنزير الدبابة!! وهو أمر مدهش وملهم ومحير لم أفق من زخمه بعد... لم أهضمه بعد...

كيف يتوافق مفهوم الثورة مع مفهوم الاستقرار؟؟؟ وهذا الوعي غير العادي بسلمية الثورة - ولو خرج البعض عنها لما اعترض أحد لانها ثورة على اي حال- ثم يسوق المصريون أولادهم وعائلتهم للمكوث والصمود ..... هل هي استهانة بالموقف أو عدم فهم أو هي الطبيعة المصرية التي تعشق الاستقرار وهو منتهى مناها؟؟؟ لقد سمحت لنفسي ان اطلق لفظ فرح على الثورة بالتحرير الناس رايحة فرح مش مظاهرة
هذ أكثر شيء ألهمني ويدعوني وادعوكم معه للتفكر في ها الشعب العجيب صاحب الموروث الضخم
الأمر الأخر الذي اود ان اتحدث عنه هو ان عزيمة الشباب وصمودهم وعنادهم وهم يرون اصدقائهم يموتون في واقعية لا شبهة فيها للعالم الافتراضي المتخيل صدمهم وجعلهم اكثر اصراراً على المضي قدما ... وبالعكس مدى ترهل النظام وغياب الرؤية عنه في استيعاب الموقف والبطء غير العادي في ردة الفعل كأن الامر لا يتعلق بدولة كبيرة مثل مصر هذا الامر الذي لا يقلل من ثورة الشباب فضح مدى انعزال الرئيس عن الاحداث ومدى الترهل والرخو الذي تعاني منه الدولة بمؤساساتها المختلفة
لم أتخيل أن يوم 25 وما تبعه من أيام ستسقط النظام ... كنت أشفق على الاولاد لانني أم .. ويؤلمني جدا لدرجة مزعجة فعلاً تدفعني للبكاء الفوري أي احداث تحدث للأولاد أفكر في الامهات الاتي ربين واحببن وأفنين اعمارهن من أجل الاولاد وأمور أخرى
لكني انظر في وجوه هؤلاء الشهداء ولا أجد ذلك الالم داخلي بل على العكس اشعرهم أجمل وأنضر ووجوههم تنضح بفخار ما وحب وحياة وهو أمر يحيرني فعلاً وأجدني سعيدة مطمئنة...
السعادة والاطمئنان والفرحة مشاعر جديدة على من يهتم بالشان العام ...ومن المؤكد ان الايمان بالارادة بات اقوى إيمان..

لذلك وحتى بوست اخر أطرح فيه خواطر اخرى احيي كل هؤلاء الشباب اللي زي الورد وأفخر بهم وأدعو لأمهاتهم بالصبر وأظن انهن صابرات.. وأحيي كل الاولاد العفاريت الشرفاء اللي عملوها وأجدد فخري بهذا الشعب الملهم المراوغ اللي لا يستطيع هضمه اي من كان وذلك لحسن الحظ والحمد لله لذلك...و يبدو من التواضع عدم محاولة تأطير هذا الشعب في اطارات وقوالب عقيمة مدعّية الشعب ده يا جدعان موش سهل وأيمانات المؤمنين من كل ملة موش سهل...

تصورات ليوم مشرق

2011-01-31T06:14:00.000-08:00

ليل النحيب الطويل يسفر عادة عن صباح مشرق وإن لم تخرج الشمس...

أنهض بينما تستعد الشمس في الجزء البعيد من الارض لغروب ويستعد أخرون لليلة أخرى في عراء الاحتمالات

لن أتسمر اليوم أمام شاشات تخوخني

سأفتح ستائري وان اختفت الشمس، سأنفض التراب عن البيت، سأغير الشراشف وأمسح الأرض ... سألمّع ... بحماسة
سأصنع طعاماً لذيذاً فخماً ودسماً لأولادي... سأطعمهم بيدي العارية
ربما أقرأ ، ربما أغني ... ربما أطوي الغسيل... لن أنظر للثلج المتساقط بلا رحمة...

سأحمم ولديّ... سأمشط شعرهما بتمهل .... سأستحم ... وأمشط شعري ... بتمهل ...أملك الوقت
سأدعو الجميع للسرير... أراوغ بدفئهم ليلاً يهجم...
سأمسح على شعر ولديّ وأنا أتذكر من لم يمسح أحد على شعورهم
سأربت على ظهرهما "نام .. نام ... يا حبيبي نام" سأتذكر من لم يربت أحد على ظهورهم
سأغطيهما بشراشف نظيفة... عطرة... وأتذكر من ينامون في رحم الارض الطيب

لن أغلق عيني وأتذكر " رصاصات " لن اتذكر " احماااااااااااااااااااااااااااااااااد" أخي اسمه أحمد، عمي اسمه أحمد ، خالي اسمه السيد أحمد،أبي اسمه محمد ، أولاد أبناء عمومتي فيهم أحمد ، وغرباء كُثر اسمهم أحمد....
أحمد ، محمد ، مايكل ، ديفيد.... تتقبلهم الارض بلا تأفف... بعدالة مطلقة.... لا يوجد بالارض ظلم .... فقط ظلمة
الأرض تتقبل أيضاً الدماء ...تتقبلها بلا غضاضة...

سألتحف جيداُ ضد البرد ... وبينما يدخل ليلي ....تستعد الشمس للسطوع على يوم آخر من الاحتمالات ...
ليل النحيب لا يؤدي قطعاً إلى مزيد من النحيب...

الوان

2011-01-23T05:43:00.000-08:00

* ماما
- أيوه يا زو
*على فكرة أنا بحبيييكي
- وأنا باموت فييكي
* انتي قلبك أبيض زي الفلة
- ههههه... والله أنت عسل يا زو وقلبك أبيض زي الياسمين
* لا أنا قلبي اسود شوية
- ليه؟؟
*عشان ضربت نور
- لا خلاص الموضوع ده خلص..
* أنا قلبي شوية إسود وشوية أبيض ..... كل الناس قلبها شوية إسود وشوية أبيض
- طب ونور؟
* نور... قلبه الــــوان

طفل

2011-01-11T07:04:00.000-08:00

-ماما؟
*ايوه
-انتي عارفة إن أنا طفل؟
*(التفات وضحك) ايه؟
-(كسوف)
*طب يعني ايه طفل؟
-مس هاقولك
*ليه؟
-هتضحكي عليا
*(بجد جد جداً) لا لا وعد
-طفل يعني ولد صغير (بأسف)
*مين اللي قالك
-انا اللي قلت لنفسي.... بعدين هاكبر بقى.... وأنتي هتموتي (بداية نحيب) وأنا هازعل عليكي
*لا يا حبيبي مش هاموت دلوقتي متخافش
-امتى هتموتي؟
*لما شعري كله يبقى أبيض جدا
-(تفكير) زي تيته؟
*لا تيتة لسه عندها شوية شعر اسود
-لسه مس هتموتوا دلوقتي؟
*اه يا حبيبي
-عسان أنا بحبـــييكي ومس عايزك تموتي دلوقتي
*وانا كمان باموت فيك يا زيزو ....متخافش أنا مش هاسيبك

بوسة وحضن دفوني

حدوتة...

2010-12-23T16:11:00.000-08:00

* ماما؟
- هاا
* احكي لي حدوتة
- ممكن تحكي لي انت حدوتة النهاردة؟
* ماسي
- هااا..
* كان فيه مرة بنت
- بنت؟؟
* بنت اسمها ... ماما
- هههه وبعدين؟
* وهي كانت ... كانت حلوة...
- اها... وايه كمان
* وكان زياد بيحبها
- زياد مين؟؟
* زياد انا
- وبعدين
* كان زياد بيحبها قوي قوي قوي قوي جداً
- وبعدين؟
* خلصت الحدوتة... حلوة ولا ملتوتة؟
- حلوة قوي قوي قوي قوي قوي جداً

صباح الخير أينما اصبحتِ

2010-06-07T06:03:00.000-07:00

الصغيرة البنجلاديشية التي لها شعر الحوريات قذفتني فجأة إلى نقطة ما مضيئة ... إلى تلك اللمعة البنية لشعرك تحت شمس الصباح.
رغم أن شعرها أسود وطويل يماثل ليلاً بلا نجوم ولا يلمع مثل شعرك الملكي ... ربما سطوة الجمال وطغيان الحضور

أنتي الفتاة ذات الوجه المستدير جداً والذقن الدقيق جداً الذي يلمع بياضه النقي في ذكرياتي البعيدة والذي كانت تشوبه أحياناً حمرة لعب أو بكاء نبيل...

كنا على أعتاب تنازعنا بين الطفولة والمراهقة المربكة .. كنت زهرة البنات ... تجرين في المدرسة بذيل شعرك البني الآثم وبياضك المنير.. كنا نتمنى جميعاً مصادقتك .. أنت صاحبة لهجة المدن وحكايات الروايات وأيدي العرائس ... تهزين قدميك بلهو في بحيرة انبهارنا ثم تحكين لنا عن أخيك الطبيب النفسي الذي يرافقك ويستمع لحكاياتك ويحل لك ولنا المشاكل ونحن بعد في تيه الوجود .

لا بد أنك كنت أنقى حضور في حينها ... أذكرأيضاً اغماءاتك التي كان ينفرط فيها شعرك ويلمع ونحن نجاهد في إيقاظك ولملمة مفرداتك ...

بالمدرسة الثانوية عرفت الطريق الطويل المترب لسلم بيتك... تسكنين في أخر دور ... وعرفت حجرتك وأمك العجوز ذات الأصل النبيل وصور أبيك الذي بالكاد عرفتيه ثم اختفى مبكراً بنظارته وبذلته الستينية
رغم اختفاء شعرك وراء حجاب أبيض تحول لنقاب أبيض - هل كنتِ أول فتاة ترتدي النقاب في مصر؟- ... ورغم اختفاء أخيك الطبيب النفسي الذي لم يوجد أبداً لأنه لا يوجد سوى أخ أكبر عائد من معركة ما أغلق كل الأبواب كأخرين.... إلاانك ظللتِ الفتاة المنيرة ذات الأصل النبيل

لماذا أتذكرك اليوم؟ اليوم الحاضر البعيد جداً عن كل الفتيات الصغيرات اللاتي يدلفن إلى الحياة بوجل وتربص والكثير من التنهدات والروايات الرومانسية ؟؟
ربما لأني تذكرت أيضاً أوراقك وقصصك الصغيرة التي يقع فيها الشعر المغوي من تحت الحجاب ..... كانت صورة عجيبة يومها ... ولكنها ككل قصص البنات تبحث الفتاة عن الأمير المسحور القوي الحنون المخّلص ... كان خطك سيئا للغاية ...مضطرباً وطريقة كلامك كأنها قذائف تختصر الإنفعالات ... تسيرين كأنك تجدفين في الشارع بسرعة وهمة ... لوأتيتِ لزيارتي لا تمكثين إلا قليلا جداً
بينما أظل عندك بالساعات ..
ماذا كنتِ تفعلين بكل الوقت الذي توفرينه من الكلام والسير و الضحك ... هل أتذكر لكِ ضحكة؟؟؟ كانت كأنها زفرة سريعة ماأن تبدأ حتى تنتهي... هل كنتِ تدركين انك فعلا إنسانة نبيلة ولك روح مستقيمة نادرة بلا مبالغة ؟؟ ولم تستسلمي مطلقاً للقسوة في الحكم على الأخرين ؟؟ وأنني كنت فعلاً مأخوذة بنور ما ينبعث من حضورك؟؟
هل كنت تدركين أنكِ فعلاً تستحقين الأمير ؟؟
لا أعرف كيف تزوجتي هذا الغريب ... وأنجبتي طفلين -أتمنى أن أراهما يوماً- لا أعرف أين قصصك البعيدة ولاكيف أصبح ذيل حصانك ...
أتساءل الآن على بعد ألاف النفاصيل والأيام التي قرفتنا عماأصبحتِ عليه ... فلا أعرف لك عنواناً ولا هاتفاً...

صباحك منير أينما أصبحتِ ... يا صديقتي!

حصان خيالنا ...

2010-05-11T06:07:00.000-07:00

تصميم : نور الدين

انصاف ...وابو الليف

2010-04-06T17:29:00.000-07:00

بينما تطبق السماء الرمادية الرصينة... ويسود هدوء التحضر ... وتخرج الكلاب بانتظام مرتين في اليوم لقضاء الحاجة والتريض .. ويصر جار ماأجهله على تدوير نفس الاسطوانة لاوبرا يابانية ما تمارس فيها امراءة ما الصويت المنغم الذي مع الوقت ذبلت تداعياته العديدية على أعصابي... اذا برفيق الدرب يقبل بتلك الابتسامة التي أعرفها

- اسمعي
* ايه؟

وبثقة ساحر يدير اسطوانته هو واثق من تأثير حيلته ... وتحلق منظومة ما آتية من بعيد من أعماق هوجة ما

* مين ده؟؟ حسن الاسمر (وانا أقصد عدوية) ؟
- لا
* امال مين؟؟
- ابوالليف
* نعم؟؟
- ابو الليييييييييييييييييييييف

وانفرط الصمت بشكل غوغائي ابتسمت له تشفياً
اقتحمت مصر فجأة كل الفراغ من خلال هذ الصوت الاجش المرير المفجع ... شعرت الزحام والفوضى والحر والانسحاق يعبروا مع بعض الدموع عبر الكلمات الخفيفة الساخرة البلدي المدهشة السوقية عند البعض والكووووووووووول عند البعض الاخر

- صوته حلو ... بجد ...صوته حلو .... ومحدش تاني ينفع يغني الكلام ده غيره...وشكله متمكن وقديم
- ايوه ده مش صغير ....دي حكايته حكاية ....ده غنى زمان وبعدين راح ليبيا ...الخ الخ
* ممممممم !!! ( بتألم ما.. تقريبا بوجع) بجد صوته تحفة

ثم استكمالا للتأثير السحري علي ... منحني رفيق الدرب بالعصا السحرية هذا الحوار مع عمرو اديب وابو الليف او بالأحرى بين صانعوا نجاح الرجل وعمرو اديب
http://videohat.masrawy.com/view_video.php?viewkey=330b6e9b6b20fe80ebb1

وانكتمت و شعرت بالمرارة ووجدته نجاح بطعم الملح والانسحاق والانكسار
هذا الصوت هو كل الاحلام المؤجلة .... الفشل المنظم والانتظار والوجع والجوع ... حتى النجاح يقاوح ولايريد الانضباط على مقاس المحروم

كل رجال مصر هذا الصوت الاجش المقاوح الذي يخفي جرحه خلف الإبتذال أحيانا وخلف الاستهبال والمداراة أحيانا أخرى
وأكثر مايوجعني هو أن الرجل الذي كسر الدنيافيما يقال جالس بانحناء ... وكأن الانحناء هو صفة ثلاث أربع أجيال
أو هو سمة شعب منسحق منذ قرون

"ارفع رأسك ياأخي .. فقد انتهى عصر الاستعباد او الاستعمار ...ولا فاكرة اصلا !!!"
جففت افكاري وبالعند في ام الاوبرا اليابانية رفعت صوت ابا الليف مرات ومرات لأستحضر مصر ما موجعة وموجوعة

ثم هذا الاسم المتوقع لمزيد من استجرار الاستظراف ... اسم ابو الليف امعاناً في كاجول لا يناسب الوجع يثير السخرية المعتادة من انفسنا

طظ في ابوالليف الشخص .... انا ابحث عن الرمزية المزرية

......................................................

واستكمالا للملح على الجرح وفي نفس اليوم وبنفس الضربة القاضية... عودة انصاف بزفة بلدي لاهلها بعد 12 سنة - محجوزة او مستعبدة اواي لفظ آخر غيرمخترع بعد -

http://www.youm7.com/News.asp?NewsID=210006&SecID=12&IssueID=0

كم بني آدم مثل انصاف - محتجز - هو الاخر لاسباب مختلفة اومماثلة... وترك هذا الاحتجاز نفس اثار التردي والانسحاب والصعوبة في التواصل
كم يلزم من السنين والصمت والعزلة كي يتحول الانسان الى عبد مدرب ماهر على يد انسان آخر؟
من المؤكد ان لها يدين ماهرتين في انجاز المهام المحددة .... وان لدخول الليل أثر برودة وخوف وأن للشبابيك والأبواب دلالات أخرى غير الشمس والحرية
كنت اتصور امورا حتى رأيت انصاف على 90 دقيقة.... نفس التعبير الذي لا يتغير طوال المشهد وعلى الصور ....وكأن الابداع والتلون الانساني والفن والبادي لانجويتش عبر قرون وجود الانسان على الارض فجأة محيت

لماذا اصبحت اخبار الوطن تسحب الروح وتقبض على القلب بلا رحمة
من اين تنبع هذه الهشاشة التي نستقبل بها مصر؟؟

تسحبنا انصاف معها .. تسحبنا الى الليل والوحدة .... وممارسات الخوف وسياط الاستعباد... تسحبنا الى داخلنا حيث الظلمة
حيث الوحشة ..حيث النحيب ... تسحبنا وترشدنا ربما بابتسامة ستجاهد لرسمها إلى تمجيد المساحات الضيقة

.............

طظ في أي حد

Today

2010-03-07T07:04:00.000-08:00

"t
o
today, is the first day of the rest of my life"

"american beauty"

هرتلة .. تقريباً

2009-12-31T05:55:00.000-08:00

فجأة أدركت ان النهاردة هو أخر يوم في 2009!

طيب إدراكي البطيء مش هيلحق يجمع أشلائه عشان يفوق ويفهم الحدث...

كنت فاكرة إنه لسه شوية أيام

أحاول الرجوع بسرعة لسنة كاملة للتقيم وإخراج المزيد من الهرتلة ، لقتني مش فاكرة حاجة تذكر

ده مش يأس ولا حزن ولا زعل على أقل تقدير لا لا... دي واقعية

نفس الايقاع البطئء للأشياء نفس الظرف وتقريبا نفس الأحداث

شوية تغير حصلوا اكيد مؤكد طبعا

نور بيقول علي أنني دايما مش مبسوطة ... وضحكتني الجملة جدا وأدهشتني أكتر لانها واقعية ... ازاي الولد ده قدر يكشف أعماقي اللي باحاول أخبيها حتى لا يرث الفوضى؟؟؟

والمدهش أنه بكلمات بسيطة جدا قدر يفهمنا كلنا وحدد لكل واحد مشكلته بسخرية...إزاي احنا معقدين كده وازاي الاطفال لهم رؤية بسيطة ومباشرة؟؟؟ ماشي يا نور

وزياد بقى عسل وحساس جدا ولسه محتاج يثق في الدنيا العجيبة دي ....ولسه بيفضل الحضن العميق عن اي حاجة تانية

ونفس المطالب والاحتياجات هي هي

البوري المشوي ... زيارة الحسين ... الذهاب لمكان جديد والذهاب لاماكن قديمة جدا وقديمة شوية ... المرتبة القطن والمخدة القطن

عصير القصب ...قراءة شيء حقيقي خالص ... أن يكون العالم اقل وقاحة وسوء ... وان يتمتع البشر ببعض التواضع والمصداقية

ماذا يمكن للمرء ان يتمنى على أعتاب عام جديد

كل حاجة واي حاجة؟؟

لا اعرف مازال ادراكي بطيء وتقريبا لا يهتم لا نحتاج لعام جديد لتجديد الشعور بالمرارة والتطلع للجديد ... نحتاج لجلد جديد وبعض التواضع وبعض الحلم وللكثير من الصبر والكثير من الاقدام والثقة بالنفس

فلتأت ايها العام الجديد... لم أعّد لك شيئا يذكر ربما تحدث مفاجأت لا تعول عليها... وربما يظل ادراكي كما هو بطيء ماكر يسخر من حماقات البشر...

واخيرا هابي نيو يير

:))

مقطع طويل من كتاب جميل...

2009-12-26T05:28:00.000-08:00

" جيوميه" سأقول عنك بعض الكلمات (... ) كنت قد إختفيت منذ خمسين ساعة في الشتاء خلال طلعة في " ليز اند" وخلال خمس ايام اخذنا نفتش عنك بالطائرة عبر سلاسل الجبال دون ان نجد أثراً لك (...) كنا قد فقدنا الأمل وحتى المجرمين الذين يرتكبون جريمة لقاء خمس فرنكات رفضوا المغامرة على حافة الجبال (...) كانوا يقولون لنا " ليزاند في الشتاء لا تعيد الرجال ..." " إنه الشتاء وحتى لو تغلب زميلكم على سقوطه بالطائرة لن يتغلب على الليل ، فالليل هناك عندما يمر على الانسان يحوله الى ثلج"

أخيراً وخلال اليوم السابع لاختفائك وبينما كنت أتناول فطور بين طلعتين بمطعم في مندوزا دفع رجل ما الباب صائحاً بهذا القليل "جيوميه ... حي! "

وتعانق كل الغرباء الذين كانوا بالمطعم (...)

بعدها بأربعين دقيقة هبطت على حافة طريق وقد تعرفت على السيارة التي تقلك وكان لقاءً جميلاً ، كنا بنكي ونعتصرك في أحضاننا ... حي!!

وهنا نطقت عبارتك الأولى المفهومة ، ويا لها من عبارة فخر وكبرياء " أقسم لك إن ما فعلته لم يكن أي حيوان ليفعله " (...)

كنت تقاوم الوساوس " في الثلج يفقد الانسان أي غريزة للبقاء فبعد ثلاثة او أربع أيام من المشي لا يتمنى المرء سوى النوم وكنت أتمناه ولكن كنت أقول لنفسي : " لو ان زوجتي تعتقد أنني حي وتعتقد أنني أمشي ، لو أن ارفاق يعتقدون أنني أمشي وكلهم يثقون بي ، فسأكون وغداً اذا لم أمشي ..."

وصرحت لي بهذا السر " منذ اليوم الاول كان همي الاكبر هو منع نفسي من التفكير كنت أعاني وكان وضعي ميئوسا منه ولكي أمتلك الشجاعة للأستمرار كان علي ألا التفت اليه للأسف كنت لا استطيع السيطرة على مخي ... ولكن كنت أستطيع اختيار الصور له ... كنت اركز على فيلم او كتاب ، وكان الفيلم أو الكتاب يمر داخلي بمنتهى السرعة، ثم يعود بي الى وضعي الراهن فكنت اعاود القذف به في ذكريات اخرى ..."

"إن ما ينقذ هو أن تقوم بخطوة ثم بخطوة اخرى إنها دائما نفس الخطوة التي نعيدها..."

"أقسم لك أن ما فعلته لم يكن اي حيوان ليفعله" هذه الجملة الاكثر نبلا بين كل ما أعرف من جمل ، هذه الجملة التي تضع الانسان في الموضع الذي يليق به وتكرمه وتقيم الطبقات الحقيقية ... تعود إلى ذاكرتي

جيوميه يعرف ان ما ان يصبح المرء في الخطر حتى يتوقف عن الخوف، المجهول فقط هو ما يرعب البشر ولكن ما أن يواجهوه لا يصبح مجهولاً.

أما عن عظمة جيوميه فهي شعوره انه مسئول ، مسئول عن نفسه، عن البريد ، وعن الرفاق الذين يأملون ، فبين يديه ألمهم وبهجتهم ، مسئول عن الجديد الذي يبنى هناك لدى الاحياء والذي يجب عليه الاشتراك به...

مسئول عن قدر البشر في حدود عمله ....وان نكون بشر هو أن نكون تحديداً مسئولين ...

يريدون الخلط بين هؤلاء وبين هؤلاء اللاعبين ، فنثني على احتقارهم للموت، ولكني أسخر من إحتقار الموت، اذا لم يستمد جذوره من مسئولية مقبولة فإنه لا يكون سوى علامة على الإفلاس أو مغالاة الشباب...

ترجمة بتصرف بيسط عن

"أرض البشر"

Terre des hommes

Antoine de Saint-Exupéry

1939

مونيا

2009-12-09T05:19:00.000-08:00

- الو ...

- أيوه يا أمل ...

- ايوه يا مونيا ... كيفك يا بنت الناس؟

- اللهم لك الحمد والشكر ......كيفك انتي وكيف زياد ونور؟؟

- الحمد لله طمنيني عليكي ..... صوتك ماله؟

- انا كويسة الحمد لله اطمني

- اعملك رز بلبن ولا كشري ؟

- لا لا يا بنت الناس لا تتعبي حالك

-لا هاعملك رز بلبن واعدي عليكي

- أهلا وسهلا فيكي..... في أي وقت فوتي

----------------------------------

- الو

-ايوه يا أمل ازيك؟

- ازيك يا سحر ازاي مونيا

- والله تعبانة قوي ومابتكلش ... والاشعاع وصل للمريء ومش عارفة تبلع

- .......

- .........

-------------------------------

يتكور القلب ككرة ثلج ويرحل الى بلاد الحزن ... بالكاد عرفتك وبالكاد فهمت تفاصيلك ... موجة ناعمة شفافة في وجود مرتبك

اول مرة رأيتك ........مددت يدك التي بطول الاشجار ونبلها وقبلتيني بلا حدود ولا تحفظات... قادمة اخرى في بلاد غريبة .........ذرة اخرى تنضم للذرات المغتربة لتتلاحم الذرات ونستحضر الوطن والممارسات التي بدونها نموت

إلا أن شجرتك تظل مغلقة وتمنحينا الظل من بعيد لا تسمحي لي أن ألمس قلبك وأطبطب على ألمك ... تملئين جيوب نور وزياد بالحلوى وتبعثين لي بالطعام وتطلبين مني الأرز باللبن

تنساب فجأة دمعة من عينيك بعدما اقتطعوا ما اقتطعوه من جسدك وأنتي مائلة في غروب شمس على أريكتك المغربية المضيافة...دمعة وقحة مسحتيها بسرعة .....وأخذت تتحدثين عن الله وكيف جمعنا هنا وكيف نتزاور وتطلقين علينا البنات وكيف حطمنا الغربة بنور كوننا بنات। كانت أول وأخر فكرة من روحك تسمحي لها بالخروج

يأتي طه ليلعب مع نور وتحاربين على آدم كي يصبح أحسن ما يمكن.... إطمئني أنا اراه أحسن ما يمكن ... لا أشعر أنه مختلف ..... أشعره طبيعي بلا أي اختلاف... إنه معجزتك... كيف كان محكوما عليه بالموت وهو بعد لم يكتمل في رحمك وأنتي تعلمين وكيف أصريتي على الاحتفاظ به وعلى ضمه بين خلاياك وقد كان ..... طفل جميل يحبه الجميع وهو قادر على التواصل .... ماذا يصنع العلم أمام الحب؟؟؟

نذهب للبارك تاخذين زياد .... لا تقبليه...... بل تدفعيه وتصفقي له ويغرم هو بك ويعشق السير معي الثلاث دقائق التي تفصل بيننا

تأخذينا الى كل أماكنك .... تحكي لنا على من تعرفيه وما تعرفيه... ولا تتحدثين بالمغربي بل بخليط من كل البلاد العربية .... طبيعي .... ما بين المصريات والاردنيات والفلسطينيات والخليجيات والجزائريات وغيرهن الكثيرات من الطبيعي ان تفقدي كونك مغربية وتصبحين عربية فقط

ويظل بك ألم ما ....... كسر ما من المستحيل الوصول إليه او التحدث عنه..... لا علاقة له بما تمرين به لا علاقة له بما تفقدين من جسدك ... الالم في روحك البريئة التي لا وصول لها

ضحكتك... سهلة جدا كضحكة طفل ... تخرج عفوية ...... إلا ان آخرها كأنه نحيب وانكسار

اراك فاخجل من الشكوى ... اخجل من فظاظة البشر

أراكي فأتذكر نغمات كمان حزين تتكسر على صفحة الحياة...... ولا أعرف ماذا تعتقدين انت وبماذا تفسرين الأمور

لا اعرف كيف تفكرين بالغد .... كيف

ربما لا تفكرين... ربما كل ما تتمنيه هو الوقوف لمتابعة البيت وطه وآدم ... ولا وقت للتفكير في نفسك

وهو كل ما أتمناه ان تواصلي الوقوف .... لنا جميعاً يا مونيا

أعرف أنك تنامين كثيراً....... ولا أستطيع منع نفسي من إزعاجك وترك رسائل على تليفونك ... لا أستطيع منع نفسي من الاستئناس بكِ والاتصال بسحر والحزن معها.....

-----------------------------------

- الو

- ايوه يا مونيا ...كيفك يا بنت الناس؟؟

- اللهم لك الحمد كويسة.... انا عارفة انك قلقة عليا ... أنا حبيت أتصل وأطمنك

- طيب الحمد لله ... أعملك إيه بقى؟

- عايزة رز بلبن ..... بس بلاش تسويه بالفرن..... وبلاش جوز الهند

-حاضر من عنيا......... عاوزة حاجة تانية؟؟؟

- لا لا ... جازاكي الله كل خير... ها ... كيف الاولاد ... كله تمام؟؟

- الحمد لله اني اطمنت عليكي

- يلا .......... في أمان الله

- في أمان الله

ســــــر

2009-11-23T16:24:00.000-08:00

"هو ده سري

وهو بسيط جدا...

احنا مبنشوفش كويس إلا بالقلب... الحاجات الجوهرية غير مرئية للعين"

الأمير الصغير
انطوان دو سانت اكزبيري

اغنية

2009-11-11T09:27:00.000-08:00

Joe Dassin

été indien

في جغرافيا ... اليد

2009-10-20T20:04:00.000-07:00

قليلا من الصمت...

يا جاهلة.

فأجمل من كل هذا الحديث

حديث يديك

فوق الطاولة... (نزار قباني)

............................................

أتسلل إليها دوماً .. واتلذذ بالتلصص عليها...ألتقطها بكل سهولة وأعلم انها هناك تنتظرني لأشاهد التاريخ غير المقروء للبشر!!!

عندها تختفي التفاصيل الاخرى.. لا التفت للأحاديث ولا لزوايا العيون ولا لإيماءات الفم .. بقدر ما تستحوذ علي تماماً .. الأيدي

أرتبط بها... اميل مع زواياها .. وتناسق الاصابع مع الكف مع الاظافر... وأقرأ

هناك ايدي جميلة آثرة.. ناعمة الحركة.. لطيفة الإيماءات.. حساسة ...تعرف حدودها ..هناك ايدي تقتحم الفضاء تملأ الدنيا والفراغ..وقحة .. ضخمة..وهناك ايدي تتسلل كحرباء .. حرشفية الانطباع .. هناك ايدي مزهرة .. هناك ايدي ميتة.. هناك ايدي مطحونة ...هناك ايدي طيبة طيبة..

أذكر الان يد ما .. قابلت صاحبها منذ سنوات..كانت يد كبيرة كبيرة ومعرقة وضاربة في السمار ..يد فلاح كانت تضم بكل يقظة وحب ولطف طفل صغير من الواضح انه الحفيد .. كانت يد تسهر على الطفل وتعدل في كل لحظة من وضعيته وتربت عليه وتمسح على شعره... وبهرتني هذه اليد التي رأيتها لمدة عشر دقائق .. بهرتني طيبتها وثقلها ويقظتها !

والأيادي كثيرة

..........................

يد امي : ليست يد دقيقة ولا عريضة ولا مهملة ..هي يد مضبوطة على كونها يد أم .. اظافرها مربعة كبيرة.. أرى فيهم الأفق العريض.لا توجد بهم علامات معينة.. مقصوصة دائما بعناية ..يد قوية ..صلبة.. ربما تحركها خطأ او تشكو من هشاشتها ولكنها يد صلبة.. خلقت لتصنع الخبز وتحمم الأطفال .. لتخيط جلاليب البنات ولتختبيء داخل بعضها في الشتاء.. لتطرق على الباب وتطعم الطيور.. أما عن رائحتهما .. فلم اشم مطلقاً رائحة أجمل منهما..بهما شيء هو خليط من النظافة والدفء والإحتضان.. اشمهما وهي تساعدني على ارتداء ملابسي بسرعة وفاعلية وانا صغيرة .. امي لا تتحدث كثيراً.. وعندما اريد ان اراها انظر ليدها وابتسم

........................

يد أبي: يد حساسة حتى المرض..مراوغة...مغتربة ... تهرب على الدوام...يد جميلة في قوة ... يد جديرة بفنان خرجت للتو من احدى لوحات محمود سعيد ...رهيفة ..متوترة.. بارعة في الاختباء وحماية نفسها تتوق للصحبة وتموت في الوحدة .. لا تتحدث كثيراً

أبي الذي لم أعرفه كما ينبغي للمرء ان يعرف اباه .. أعلم ان يده كانت تحب الوحدة وتزدهر بها.. هناك ايدي هكذا .. قلقة من النبل ما يجعلها فوق البشر!

.........................

يد رفيق الدرب: يد لذيذة.. لكن صلبة... معتنى بها جيداً ... طيبة جداً ...نظيفة على الدوام حتى وان اتربت.. كتومة.. دافئة وغامضة.. صديقة الورق الناصع ورائحة الحبر ومفاتيح الكي بورد .. مرسومة بعناية شديدة ومدهشة .. تحفة فنية !

.......................

ايدي نور وزياد: ايدي من نور ..بضة ... دافئة ... تحتضن... تحتوي ... تطبطب ... تقبل .. تضحك .. تندفس .. تغامر .. وتطيش ... تلمس الشمس وتلهو بالقمر وتستقر على قلبي فاهدا واطمئن...

.........................

يد سحر ( اخر اكتشاف) هذه ليست يد ... بل قطعة فنية ... ثمينة القيمة ... ايماءاتها تبعث على الطيبة والراحة.. اصابعها متراصة كانها لوحة ميلاد فينوس تتوالى ... تقطر سحرا ..احتفالية الأثر.. بارعة في الطبطبة وسقاية الماء .. ذات شموخ .. عريقة الجذور .. تبحث عن الونس .. تضحك .. تكركر ... ثم تتكوم فوق الطاولة في دعة!

.......................

يدي!! : أخلص خادم لي... من الرائع ان يكون للمرء يد في صفه!

.........................

(...)

كل الأيدي

تسترجع تاريخ الأرض

ترتعش من هذا التاريخ

ومن بين هذه الأيدي ..يدك

تطفو من التاريخ

وتتذكرني.

ترجمة عن Guillevic

............................

عرفت...

2009-10-12T19:00:00.000-07:00

اليوم فقط عرفت من هو جارنا بالطابق الأعلى .. ذلك الذي يتحرك منذ عام واكثر فوق رؤسنا ويكاد لا يُسمع إلا بالمساء.. الذي طالما أدهشني العنكبوت على النوافذ والبلكون العجيب الذي تتكوم فيه الدراجة الصدأة على قفص عصفور قديم على أسياخ حديدية على أكوام أخرى غير محددة على كرسي فارغاً فاه ببلاهة .. ورغم تلصصي الدائم على الداخل الا إنني لم ألمح سوى نبات ظل ضخم تحت اباجورة صفراء وحيدة...
ورغم اليوم الذي سال فيه الماء من السقف الخشبي وحدث هرج ومرج وطرقنا الباب عليه واتصلنا بالشركة ليتضح انها التدفئة العتيقة وأرسلت من يفتح الشقة للاصلاح الا أننا لم نحظ برؤيته ولم نسمع آثار لغضب لدى رجوعه...
الان عرفت من هو ..قالها لي نور هكذا بكل بساطة : انه الرجل الذي يطعم العصافير يا ماما!!
-كيف عرفت ؟؟
- لقد رأيته كثيرا من البلكون!
-!!!!

اذن هو الرجل الذي تتكوم بسيارته شكائر من طعام العصافير ولا دليل واحد على وجود طفل أو إمرأة ..الرجل الذي أكل الصدأ سيارته مرارا وحطم مراياته ولم يتوانى يوما عن شراء الشكائر الضخمة المتناثرة على كل مقاعد السيارة
إنه الرجل الذي يجري وراء السنجاب بوحشية حتى لا يخطف الطعام الذي ينثره في الفضاء لطيور لن تدخل أبداً قفصه الصدء

اه إنه الرجل الذي يقول لنا بونجور ويتحدث طويلا بالإنجليزية لجارتنا عن كيف تمسك العصافير البذور بمنقارها
إنه الرجل الذي جعلنا نركن دوما بجواره في الباحة لمده عام قبل أن نعرف أننا نركن مكان اخرى تركت لنا رسالة حانقة
إنه الرجل الذي رأيته يسترق النظر إلى أطفالي وهم يلعبون بالحديقة بينما يضع المزيد من الشريط اللاصق على السيارة المتهالكة بلا أي نوايا سوى مجرد النظر
انه الرجل الذي يقول إنه من اثيوبيا ولكني اقول إنه من ارتيريا .. نحيف يسير كطيف ...ليس أسودا ولا قمحيا لا يبدو إفريقيا ولا عربيا لا اثيوبيا ولا سودانيا... لا أعرف إنه خليط من كل ذلك ...
إنه هو إذن من يعتني بهذه الطيور السمينة المزعجة التي لا تخاف ولا تشبع من شكائره....
أنصت ... لا صوت .. إنه الليل .. سال بعض الماء .. ثم الصمت .. لا بد أنه ينام... وكذلك طيوره التي تنتظره بثقة في الغد...

:)

2009-04-27T06:28:00.000-07:00

أصبحت لا اكتب الا في حالة خاصة من الروقان ..لم تتوفر كثيرا منذ فترة . ولكنها تعود من وقت لاخر اكون او لا اكون حينها جاهزة تماما للحدث لعدة اسباب منها انني متعبة او ليس لدي الوقت ..الخ

وهذا اختلف عن السابق ...فيما سبق كنت اكتب لان الافكار تداهمني وتوترني كانت الكتابة نوع من الرياضة العنيقة في مواجهة العالم المرتبك.

الآن.. وقد مرت نصف حياتي واصبحت خلفي... تغيرت الامور..

اصبحت لي قناعات ..تحققت لي امور.. لدي رصيد وتاريخ في بنك الحياة وهو الامر المهم جدا في مواجهة الوقت الذي يمر..

وكلما مر الوقت ..أعود بشدة نحو الماضي... أجدني أتمسك بالممارسات والافكار التي كنت اثور عليها واتقبلها بهدوء .. واحيانا بشغف كتعويذات تقي من الشتات!!

تعب ام استسلام ام احتياج لنوع جديد من المعارك الحقيقية الحقيقية

اجدني اسخر من السائد من افكار احتاج لمستوى اعلى رائق صاف حقيقي من الافكار المحددة البناءة لا يشوبها اي زيف او هوائية

مرت الثورات التي يمر بها كل البشر - على خير- والحمد لله لم ادمر نفسي ولم ادمر احدا ... لم اجر معي احدا لاسفل .. لم ادعي شيئا لا اكونه ... لم استحدث امرا يقوض الفطرة او يكبت الانسان ..لم أشارك في تقويض مساحات النور او الخير على الاقل مثلما يفعل صباح مساء الكثيرون ... ربما لي بعض الاخطاء ادركها جيدا ولكني كنت مدركة دائما انه يجب الا يضل الانسان تماما ويدمر ليجد نفسه

اصبحت أأنس بأفكار امي وجدتي والموروث الشعبي العبقري الذي هو خليط من التجارب والايمان والاجابات البسيطة العميقة في مواجهة الافكار السابقة التي قرأت معظمها ولم تمنحني السلام وهي معضلة لا افهمها وافسر الامر على انه مجرد العمر الذي يتراكم والنفس التي زهدت البراق من الامور والروح التي تطوق لمزيد من الصدق واقل القليل من الاصطناعية..

تعب ام صوفية لا اعرف... لابد انه المرسى .. كلنا يبحر في سفينته ولكن يأتي يوم يجب ان يحط كل منا على ارض صلبة في ركن ما من الحياة !!

إلا انني ما زلت احتفظ بالدهشة الطازجة امام الحياة الجميلة المذهلة وامام قصيدة بريئة لشاب يتحسس طريقه نحو الحياة والله ومعاني الاشياء وامام الاوراق الخضراء الصغيرة التي تخرج من بطن العدم لتكسو الاشجار ربيعا وأمام الخوف وامام نفسي احيانا فلا زلت افهمني وافهم الحياة لكن بهدوء أكثر بتركيز اكثر و بابتسامة رضا ..

ووجدت طريقي نحو الله يتضح اكثر ولا يوجد طريق واحد اليه يوجد طرق بعدد البشر الذي خلقهم وللطريق مستويات عديدة صعودا وهبوطا ولكل انسان طريقه الذي يكون اقرب او ابعد من الاخر نحو الله

لماذا لا نتحدث عن هذه التجربة ؟؟ لماذا يملأ احاديثنا الاجابات والقواعد ولا يتحدث احد حول الطريق الذي قطعه ليشعر بهذا الرضا وهذه السعادة ؟؟

الطريق الى الله مثل الانسان ينمو رويدا رويداو يترسخ وعندما يكتمل ينثر عبقه الطيب نحو البشر ...

تخاريف مساءٍ ما..

2009-01-24T16:55:00.000-08:00

في هذه اللحظة العجيبة اشعر بجوع حقيقي للكتابة رغبة ملحة هاجس لا يتنحى

مع كل ما سبق وعشته مع الترتيب الداخلي لوجودي ولحظات السلام التي تتراكم هكذا بجد بحق وحقيق مش مجرد لحظات طائرة تأتي لتذهب بعد ذلك ويحل الفراغ والتعب والفوضى اقول مع كل هذا ..بدأت اشعر بهذا الرضا العجيب المبتسم المرفرف في نعومة بلا طيش بلا فوضى بلا فوران...

في هذه اللحظة ..أشعر بالتناغم مع نفسي مع كينونتي .. تناغم ممتد .. افقي ..

ارجع ذلك .. بل انا على يقين ان السبب هي الكمياء ان ما يتحكم فينا هي المواد التي تدور في دمائنا.. التي تصنع مزاجنا وما نكونه..

اتناول المكملات والفيتامينات ومضادات التعب بشكل مثابر كصلاة يومية صباحية ثم النسكافيه والافطار وانتظر وأختبر فاعليتها ...وأتاكد انها السبب

ثم الخروج الصباحي غير المبكر وغير المتأخر في التاسعة الا الربع كل يوم .. هواء الصباح البارد يضخ الدماء للمخ من المؤكد أن ذلك يفيد .. الحركة بركة .. لم يحدث ان اصيب من سبقونا من الفلاحين بالاكتئاب.. انهم يتحركون 12 شهر بالسنة من الشروق حتى الغروب..تجري بدمائهم طراوة هواء الصباح ونظافته ورائحة الطين وطعم الخضار والفاكهة الطازجة... لقد اصبح لدي قناعة انه يجب ان نظل بجوار الارض لسبب او آخر... يجب أن نظل بجوارها نتابع ايقاعها ...نقرأ رسائلها.. الميزان فيها

الأرض تلك المبهرة .. المريضة ايضا..بنا!! الآن ادرك بشكل إلهامي ان كل شئ دائري كل الاحداث والحياوات والمشاعر تتبع شكل دورة ما .. نؤذي الارض ستدور الدائرة سيدفع الثمن من سيكونون على مقربة من رحاها.. ربما لم يشاركواعلى الاطلاق في الاذى ولكنهم هناك لسبب او لأخر

اشعر بالاعجاب بمن يستطيع الاحتفاظ بهامش غير مرئي ولا محسوس من كل الدوائر الدائرة من يحتفظ بتوازن واستمرارية ..من ينجو من افاعيل القدر من يؤدي حياته على اكمل وجه من جميع الجوانب بلا سبب محدد .. ولكنه نجح حياته الطويلة بشكل مذهل صامت بلا فوضى بلا ارتفاعات ولا انخفاضات .. تبع الخط المستقيم ونجح .. بلا سبب ظاهر.. اظل اقلب وضعيته على جميع الجوانب انه لا يخضع لفلسفة الدوائر ولا لدراما الرحى انه خط مستقيم ..لا يعرف الكثير عن اي شئ ولكنه هناك بحضوره العجيب الملهم أقوى من أي كلام من أي فلسفة من اي دوائر!!! بلغ أرذل العمر صنع عائلة أحب ذاق الفراق والمرض والحب واللعب والمتع الصغيرة..ليس بنبي ولا بملاك انه فقط مجرد انسان ... لا يبدو عليه الحيرة ولا التساؤل ولا الندم ولا الخوف .. يشع شئ ما أقوى من كل تلك الافكار اللعينة عن الحياة والكينونة وخلافه .. كيف نجا من الدوائر التي تتغذى على الانسانية كيف نجا من دراما الرحى لا أعرف لا أفهم.. ربما من الجيد ألا افهم ...ربما من الجيد ان يظل ملهماً .. كأيقونة للالهام والخط المستقيم.. والأمل

قناعة أخرى تضاف الأشياء البسيطة ...السعادة فيها .. والأشياء البسيطة ترضي من تعب من صخب الشباب والتمرد..لاترضي فوران الحياة والعطش الحثيث للفوضى وهدم الثوابت... بعد كل ذلك يأتي الهدوء وربما التعب والارهاق ... ثم تاتي األاشياء الصغيرة كماء يروي هكذا بكل بساطة... أن استقبل صباحي بطعم القهوة بالحليب وحولي احبائي نتبادل احاديث عادية دافئة .. وأن أنام على تلك الفكرة الجميلة أن احبائي ينعمون بالسكينة والراحة والدفء... لاشئ يعادل تلك المشاعر .. تأمل ورقة شجر.. تأمل سماء مشمسة وارض بيضاء مفروشة بالثلج ... الاحساس غير العادي انه من الجميل ان نشعر بآدميتنا وندرك مداها... أن نبتسم لفكرة صغيرة ايجابية لن تغير الكثير بل تدفع فقط مجرد الابتسام والكثير والكثير من الاشياء الصغيرة...

ربما ما يصنع السعادة الحقة هو الأمل .. الاطمئنان أن الغد آت ويحمل الجيد والخير ... هذا ما أعتقده وما أدركه وما أتمناه.. اليأس مرهق يربك كمياء الجسد ..والوجه .. الأمل شئ جيد.. ربماحتى معناه المطلق غير المرتبط بأي معاش حالي ..الأمل البعيد الجميل كأمير سيأتي لينقذ سيندريلا في أخر الحدوتة .. نعم ..المعجزات ممكنة..

***

أشعر فجأة ...بالرغبة في التوقف عن مزيد من الكتابة .. اريد أن أضم أشيائي الصغيرة وأن احتفظ بالباقي من كمياء السعادة وأن اشرب الزبادي بالفواكة فهو مناسب تماما للحالة ... حلو الطعم .. لا يرهق في الاستقبال ... ويرطب التعب والعطش الناتجين من الكتابة واللهاث خلف الافكار...

نعم .. ربما علي أن أأخذ بعض الفيتامينات الآن !!!!

إرهاصات أمام العام الجديد

2008-12-31T16:20:00.000-08:00

لسه 2009 ماجتش عندنا...

من المؤكد انها حطت بالوطن البعيد .... ومن المؤكد أن البعض قفز عاماً للأمام لمجرد تغير رقم 8 الى 9

ياااااااه بس برضه الدقيقة بتفرق على فكرة على رأي الجميل الرصين زكي رستم

كنت عايزة اقول أنه لحسن الحظ الألم موجود .. منذ فترة أشعر بالتعب والتعب لو تعلمون مرض عضال .. من المؤكد انهم سيضيفونه يوماً ما – على يدي- في ثلة الأمراض المعترف بيها والتي يجب أن الاهتمام بها زي الحصبة مثلاً
اقول منذ فترة أشعر بالتعب والإجهاد – وأنا متعبة أصيلة والطاقة لا تعرف لي طريقاً والكلمة المفتاح عندي "انا تعبانة !!!"- ووصل بي التعب الى حافة الإكتئاب وضبابية الرؤية وتوقف التفكير تماماً –بجد- وشعرت أنها النهاية لأنه حتى التفكيرمتعب والكلام سخرة والدنيا غائبة...
كان لا بد من الذهاب للطبيب .. وقد كان بالأمس ذهبت للعيادة الطبية وانتظرت زي كل البشر هنا ... وأخيراً سمعت اسمي وهنا دق قلبي لطالما كرهت الاطباء وكرهت عبء توصيل معاناتي لهم وكرهت أن يسألني من لا أعرفه عن تفاصيلي وكرهت كل الجهد المبذول حتى لا يسئ الطبيب الفهم أو أن يحيلني لأخر...
دخلت.. انتظرت.. انفعلت.. حضّرت كلماتي ... أنا متعبة .. لا استطيع بذل مجهود حتى التفكير..... تنفست ...
دخلت الطبيبة بونجور ..ماذا استطيع أن افعل لكي؟ هكذا بادرتني
-احمم.. أنا متعبة منذ اسبوع ولا اقوى على أي مجهود من أي نوع
- هل تعانين من البرد من الحرارة من اي شئ أخر؟
- لا على الاطلاق لا اعاني من شئ محدد سوى الارهاق الشديد
تقيس الضغط.. تفحص القلب... البطن
- ممكن يكون فيروس .. هل تعانين من الاكتئاب؟
- شوية ولكن لانني متعبة جسدياً أكون مكتئبة
- هل هناك تغيرات في حياتك مؤخرا؟
- نحن مهاجرون جدد منذ 6 شهور لكن كله تمام
- من اين؟
- من مصر
- مشاكل مادية مشاكل اسرية؟
- لا لا لا مشاكل... فقط متعبة
- لديك اطفال؟
- اثنان
- الاطفال يحتاجون لكثير من الطاقة
- نعم
- تعملين؟
- فقط ايام السبت
- ربما عليكم ان تمارسوا انشطة خارجية أكثر معهم
- عموما ستجرين اختبار للدم لمعرفة أسباب التعب
- هل يمكنني اخذ بعض الفيتامينات؟
- اذا كنتي تأكلين بشكل متوازن لا تحتاجين لفيتامينات عموما اي نوع متعدد الفيتامينات يمكنك أخذها ..اجري التحليل ولو هناك ما يسوء سنتصل بك
- شكرا لوقتك
- ممكن جدا يكون فيروس لانه الموسم..ربما كل تعب الاستقرار والحياة الجديدة ..
- شكرا لكي....

في الصيدلية سألت الصيدلي عن دواء ضد التعب والارهاق اخذني الى الارفف وأخذ يستعرض لي دواء لديه واخذيعدد في مزاياه ...اوكيه هاخده!
كنت مصممة على الخروج باي ثمن
في البيت لم انتظر تناولت فوراً الدواء ونمت واستيقظت إنسانةأخرى جسدي متعب نعم لانه ربما اخذت برد ف العضم لكن عقلي متيقظ وروحي خفيفة وكلي ارتياح وانبثق الغد من ظلام التعب واتضح انها ليست النهاية...

وفحصت عن قرب كل مكونات الدواء حديد ، كل انواع فيتامين ب ، اعشاب بحرية، جذور جينسيج ... هذه المكونات تصنع روحي المعنوية المرتفعة
تجعلني ارى الغد.. تجعلني اخطط لعام جديد ...تجعلني ابتسم أخيراً بجد.. وأغني!!!!!!
وعلامات التعجب لم تنتهي بعد كيف تؤثر الكيمياء على مانكونه وما نقوله!!!!!!!!
بالطبع لازلت متعبة جسدياً ولكن روحي متيقظة وعقلي مثابر ولا أثر للإكتئاب وسوء المزاج !!!!!!!!!!

ربما يجب على البعض اجراء تحليل للدم!!!!
واكتملت منظومة الايجابية بفيلم سجن شاوشنك البديع... الرصين

ولسه 2009 ما جتش عندنا

على أعتاب هذا العام الجديد البعض يريد مرور الوقت بسرعة والبعض الأخر يريد الرجوع بالوقت على مهل ...
يااااااااااه عندما أرى حمل كل هذه السنين التي عشتها ... عندما أرى تلك الطفلة البعيدة ...ثم المراهقة اللدودة ثم الشابة الصعبة سيئة المزاج ..عندما أرى كم الاحلام التي حلمتها وكم الاحلام التي توقفت عن حلمها وكم الأحزان التي قوّت جدراني وكم الافراح التي عصفت بوجداني وكم التعب الذي قطع تواصلي مع العالم وكم الجبن الذي عرقلني وكم الحب الذي حظيت به وكم الصمت الذي داواني وكم الألم الذي أنهكني وكم الهدوء والدفء .. والصخب والغضب والنسكافيه باللبن والشاي والأدوية وتذاكر المترو والفلوس والملابس والأحذية والصابون والشامبو والمناديل والكتب ثم الكتب والكراريس والأقلام والأوراق والأباجورات والشنط والكلام وطلبات الحكومة ومسلسلات التلفزيون والمزيكا والأفلام والرحلات والمشاجرات والدموع والمياة والنور والخوف ..... والعديد من الاشياء الأخرى منها الكسل لأنني مكسلة افكر .... ودا كله بني أدمه واحدة بس لم تترك اي اثر على بقية اخواتها البني آدمين ... فيه حكمة افريقية بتقول "عندما يموت رجل عجوز فذلك بمثابة احتراق مكتبة بأكملها " وأنا أقول أن تقدم الأنسان في العمر يشتمل على ماهو أكثر من مكتبة بأكملها..

يا سلام على البني آدم ...
أيها البني آدم خلقة ربنا ..انت مذهل بجد وأنت محل اعجابي وتعجبي الدائم

ولسه 2009 هتيجي بعد كم ساعة

وانا لا اتمنى لا الرجوع للخلف على مهل ولا الاسراع في التقدم في الزمن ..و لا أريد أن أتبع أحداً اريد أن اسير على مهلي وأن اغني أغنيتي الخاصة

تعليق أخير:

:)))))))))

وجع

2008-11-21T11:31:00.000-08:00

(1)

- أنا هاكتب لبابا نويل أقول له موش عاوز يبقى عندي ماما..

= ..................

(2)

- أنا ماعدتش بحبك...

=.................

بهجة 2

2008-10-26T10:36:00.000-07:00

ماما !

- هممم ؟

على فكرة انتي وحشتيني ف المدرسة

- هه

قمت رسمتك بالطباشير ...

- :))))))))))))

------------

بصي يا ماما انا عملت ليكي الحصان ده

- جميل يا نور

علقيه ع التلاجة ...عشان لما اوحشك .. تبصي عليه

- :))))))))))))

بهجة

2008-09-30T18:46:00.000-07:00

"ماما .. إنتي في قلبي ..!!"

نور الدين

:))))))))

ارقام ف حياتي

2008-09-18T23:15:00.000-07:00

تبدو المسألة منطقية ... أن ابدأ الحديث عن موطني الجديد بالأرقام !!

ومن الواضح جداً انها تحتل المكان الاكبر والاضخم في حياة كل المواطنين الأعزاء ...

6
موعد الاستيقاظ اليومي ... أجازة مش أجازة... 6 باكون واقفة وتبدا الامور ف الكركبة بذهني.. هاعمل ايه؟ تحضير غذاء نور؟ تجهيز الملابس؟ ايقاظ الصغار؟ ولا أشوف موقع الاحوال الجوية الاول - وهو من المواقع التي اشاهدها عدة مرات ف اليوم الواحد وأصبح من الوساوس الحياتية - عشان نشوف هنلبس ايه
ولا الاول اغسل وشي ؟؟؟

طيب ايه الضروريات اليوم ؟؟

7 وعشرة
لو عدت الساعة 7 وعشرة ولسه نور مالبسش اتكهرب يلااااا اتأخرررررررنااااااااااا

كله تمام ؟ الاساسيات : كارت المواصلات اللي حياتي متوقفة عليه ... لو لا قدر الله وحاشا لله لو ضاع يبقى انا كمان ضعت ومش هنوصل لاي مكان لذلك اتحسسه من وقت لاخر وابص قدامي وورايا قبل ما انزل واتأكد من وجوده

وشرعيتي مستمدة من هذا الكارت لو جهاز الاتوبيس والمترو نوًر اخضر يبقى طريقك اخضر وتفتح الابواب لو لا قدر الله نور احمر تبقى مش تمام ونور ابني الله يحرسه لاحظ ان جهاز كشف الكذب اقصد التذاكر والكروت اللي من كل نوع ولون ساعات بينور اصفر وطبعا وانا شايلة عجلة زياد وباطلع الكارت وباشوف هاقف فين (ايون انا بقف ف الاتوبيس ف معظم الاحايين) كله ده يقوم نور يقول لي : ماما هو الاتوبيس بينور اصفر امتى ؟؟ وليه ؟؟ طب السواق بيعمل ايه ؟
ساعات كتيرة اندم انني كنت احفز خيالك يا بني يا نور انت بتفكر زيادة عن المعقول !!!

كل ده ولسه منزلناش

8 الا تلت
لازمن نكون ف الشارع نور وزياد وانا بسلطاتنا ببابا عنوجنا ... كلُ معه شنطته وادواته

88
ده رقم الباص بتاع الاستاذ نور الدين اللي بيوصل ويقف ف اخر الطابور اللي العيال عاملاه.. كل له دوره ويمسك بكارت الباص بتاعه، اللي كله ارقام، رقم الاتوبيس ..رقم بيتنا.. موعد مرور الاتوبيس ...وبالمرة فيه اسم نور الدين

8 الا عشرة
ينطلق الباص وسط توديع الاهالي وقبلاتهم الطائرة وتوصياتهم بكل لغة فرنسي على انجليزي على اسباني على ياباني ولا صيني...الخ وهو مشهد مؤثر وبجد عاطفي للي عنده الوقت أو معندوش وقت يقطعه
وهو نفس موعد انطلاقي بزيزو عشان الحق الاتوبيس العام

8 واربع وقايق
ده موعد الباص وبرضه بيكون فيه طابور امسك الكارت بتاع المواصلات قبل ان اشيل زيزو بعجلته وندخل ونضع الكارت ع الجهاز وننتظر "تِسِر" على رأي نور وهو الصوت الالكتروني للقبول مع سطوع اللون الاخضر المشرق

12
ده رقم الباص بتاع الصبح اللي مواعيده كل نص ساعة وهو الامر الذي ينكد على رفيقة الطريق الجديدة "جلوريا" اللي جاية من كولومبيا وهي طيبة بشكل مذهل ومصرة تناديني باي اسم الا اسمي ايميلي اماليا .. وبيكون فيه ما لا يقل عن 150 بني ادم ما بين تلاميذ - كل واحد فيهم له كارت برضه- وموظفين وامهات بعجل اولادهم رايحين الحضانة والكل شايل ال" لانش بوكس" يعني شنطة الغدا وهي زي الكارت كده من الاساسيات المدهشة التي ترافق البني ادم في رحلته اليوميه
مش تقولوا لي ساندويتش جبنة وزتون ولا لانشون لا غداااااااا بجد ... يعني بروتين يعني فاكهة يعني مكرونة الخ الخ
والدنيا زحمة كده .. تلاقي كل واحد مع نفسه اللي يطلع كتاب ويقرأ واللي ينام والعيال التلاميذ معظمهم لاتينو يعني اسباني للركب يعني صوت وضحك ودفء
زياد ابني الله يحفظه ينظر للجميع ويوزع نظراته القاتلة على الناس ثم ابتسامة تقل ثم يبوز كده دلع عشان الاخر يضحك له ثم يبتسم بجد واحيانا يلاغي ثم تعن له خاطرة ينظر لي ويبدأ الموال اليومي "ماما كوكا" "كوكا" يعني اكل يعني بسكوت او موز او اي حاجة مش انتي هتوديني الحضانة اذن "كوكا"
ولازمن اكون محصنة نفسي لهذه "الكابريس" اليومية خصوصا ف اخر اليوم

مترو لاسال
الكارت على الجهاز "تسر" يفتح الباب .. مرور
ننزل السلالم او انزل حاملة الاستاذ زياد بالعجلة بالشنط
محطتين
نزول ثم صعود السلالم .. ارن الجرس بتاع بوابة عجل الاطفال يفتح الباشمهندس من الكابينة المغلقة

107
نطلع للشارع ننتظر اتوبيس 107 اللي - سبحان الله- هيوقف بينا قدام ايه ؟؟؟ قدام الحضانة خبط لزق
نفس القصة صعود كارت "تسر" حوالي 5 محطات الباب الخلفي لازمن يحس انك واقف قدامه لذلك وبعد اللون الاخضر للمبة اللي فوقه لازمن تلمس الباب من على الشريط الاصفر وتبدأ ف الزق الخفيف ... يقوم سبحان الله يفتح وبسرعة لازمن تنزل

هنا زياد يبدا ف البكاء ويتذكر بابا فينطلق"بايا" "ماما بابا" وهو مصر يوجع قلبي نور اخذ اسبوع وتعود ع لحضانة وهو صغير زياد احنا داخلين ف شهر ولسه بيعيط
نفس الموال ارن الباب يفتح الباب اشده وندخل بالعجلة
وممنوع المشي بالعجلة ف الحضانة لذلك يجب طيها وحملها وحمل زياد الذي يبكي وفتح كام باب وايداعه للمسئولة عنه ثم الخروج للباحة الخلفية لوضع العجلة ثم العودة امام زياد اللي لسه بيعيط وازرق من كتر العياط وسيبكوا بقى من كل اللي فات ده هو المشهد ده اللي بينكد عليا طول اليوم هو الزراق ده ولازمن امسك نفسي وامشي لانه هيبقى من الصعب انه يتعود على الحضانة ويتكيف لو كسب معركة مين هيضعط ع التاني اكتر

وطبعا باستندل عل الاخر وامشي بس وانا متنكدة!!

اه
نرجع تاني - لا وقت للعواطف- الباص 107 ثم المترو ثم الباص 12 ثم البيت
ومع عودتي للبيت اطمئن ان الكارت والمفتاح وانني وصلنا بالسلامة
لنبدأ العمل ...

3 وتلت
لازمن اكون على المحطة بتاعة الاتوبيس لان نور هيرجع من المدرسة

3 و27 او 29
نور ينزل من الباص يشيعه السائق اللي فعلا بيحب العيال دي ومن الواضح انه يستمتع بعمله ويسيطر ع الموقف

3 و 30 اسحب نور ونجري عشان نلحق الباص بتاع 3 و 35
وبسرعة يبدأ نور يحكي لي عن يومه والابطال هم "مارتين: المدرسة بتاعته اللي بيقول عليها دي طيبة قوي يا ماما بتجيب لنا العاب كل يوم
"سهيل وعبد المغيث واريك وسيمون واطفال تانية " عملوا ايه ومين تحرش بمين فقامت مدام "دونيز" زنبته على كرسي الوحشين وازاي هو لعب "سوكر" يعني كرة قدم وجاب كام جون لانه أكل كل طبقه امبارح
ثم يبدا ف طرح الاسئلة " هو الاسد بياكل الفار؟" "طيب مين بياكل الاسد؟" "ماما هو مين اقوي الاسد ولا الفهد" " طيب افرضي ان الاسد شاف سنجاب هياكله؟" "طيب ليه الكلب والقطة مابيحبوش بعض؟"
ثم ينتقل لعلامات الطريق اللي انا شخصيا لا الاحظها " ماما هو ليه العربيات ممنوعه هنا؟؟ شايفة الكلب هنا ممكن بس ف علبه.. بصي الاشارة دي مكتوب فيها ايه؟؟ اقري لي مكتوب ايه على علبة البسكوت دي؟؟ "

ونور وصل لمرحلة خطيرة من "الفكر" هو يفكر طول الوقت ويحلل ويحتاج لتفسيرات منطقية وليه وعشان ايه ولو حصل كده يبقى الوضع ايه ؟؟ في حين ان زياد يعطيني الايحاء انه قنوع بالمعطيات الدنيوية .. يحب الاكل واللعب والحنان والكتب بس يمكن لسه هنشوف منه

12
نركب الباص اللي بيكون تقريبا معقول نجلس ثم نصل للمترو ف سلاسة ناخذ المترو ف شاعرية مصطحبة بانزعاج حقيقي من تفكير نور واسئلته المعقدة .. بس اهو كويس انه بيعبر عن هواجسه بالكلام والسؤال
نركب 107
واخيرا زياد
بيكون عادي بيلعب ولا المسئولة عنه تمرنه على المشي اللي تأخر قوي قوي ويرانا واذ به مصر يحسسني بالذنب يبدأ البكاء المصطنع ويحدف نفسه عليا وماما ماما ماما
ونفس السؤال اليومي "كيف الحال اليوم" تقول الست" كله كان تمام " ولما تقول تمام يبقى تمام لو فيه مشكلة يبقى فيه مشكلة
نلبس الهدوم نجيب العجلة نخرج نفك العجلة نجلس زياد الذي يبدأ فوراً "كوكا كوكا .... كوكاااااااااااااااااا"
107
ثم مترو
هنا يتكرر مشهد الصباح .. الساعة 4 موعد خروج الموظفين والمدارس وخلافه

12
الاتوبيس دايما بيكون عليه بتاع 15 دقيقة والطابور بدون مبالغة يزيد عن 30 متر و اكثر بما يعادل 100 بني ادم وزياد يصيح كوكا كوكا ...وكوكا من بعد كوكا لا يتوقف
في الباص واقفين طبعا وكوكا كوكا وتخلص الكوكا احاول لم الموضوع وافهامه بالراحة اننا رايحين البيت حيث ما طاب ولذ من الكوكا يبوز معتقدا انني هاسال فيه ثم يتضح له ان الاستراتيجية دي مش جايبة همها فيبدأ الاستراتيجية الاقوى على الاطلاق "الجعير" والبكاءوالدنيا زحمة الطريق االلي بيخلص ف 3 دقايق ياخد نص ساعة وزياد مستمر ثم يبكي بجد لان الدور لعلع معاه احاول تطيب خاطره واقول له ان الكوكا ف البيت عند بابا واننا بصدد الذهاب حيث الكوكا يقتنع شوية ثم يزوم شويتين ....
وأخيرأ

6 مساءً
العودة للبيت
اخيييييييييييييييييررررررررررررااااااااااان ن ن ن ن

عشا
حموم
نوم
ملخص ما يحدث بعد السادسة ولا مجال لاي نشاط انساني بعدهم ولا حتى اسئلة نور ولا قصة المساء
نووووووووووووووووم

8 و ربع

الكل يغط ف نوم عميق...

تصبحوا على خير
:))

زيزو حبيبي

2008-09-13T20:49:00.000-07:00

زيزو

نور عين ماما

النهاردة تميت

سنتين

كل سنة وانت

بالف خير وصحة وسعادة

يا قلب ماما

31.08.2008

2008-08-30T19:42:00.000-07:00

النهاردة

عندك

5 سنين

كل سنة وانت

بالف خير

يا روح قلب

ماما
....

حالة

2008-08-20T12:42:00.000-07:00

وحشتني الكتابة

وحشني الحكي

يا سلام عليه .. زي فنجان قهوة باللبن ساخن ومنعش في نهار شتوي بارد وفي ضوء اباجورة نورها اصفر

ما أجمل أن نشعر بهذه الحماية ضد عوامل التعرية النفسية

هههههههههههههه
مفيش حاجة معينة بتضحك بس انا قررت كده

الجو بارد واحنا لسه ف اغسطس ... والناس قلقانة من التغيرات المناخية بس برد لذيذ منعش يدغدغ الاحلام المطمورة ويدعوها للنهوض والتمدد

فجأة اشعر بالسعادة ... كدهوه ... من غير سبب محدد ولو أن الاسباب مليونية لو أردنا الحصول عليها ... مجرد التحليق بلا سلبية سبب قوي مجرد ...

تهاجمني الآن في هذه اللحظة صور من الوطن حيث الجو حار وخانق و "حارق" أعود أدراجي... التف حول نفسي وينغلق القلب فجأة وتصعد غصة حقيقية في الحلق...

خلاص خلصت الحدوتة

واجب واجب ..

2008-08-04T13:26:00.000-07:00

وصلني من العزيزة مهرة صاحبة ومديرة مدونة الحرافيش واجب ومن الواضح انها أخر افتكاسة ف عالم التدوين ولكي ابدو على الموضة ومتابعة ولشعوري القوي بضرورة ان اكون متابعة ولاسباب اخرى عديدة ساقوم بحل الواجب والله المستعان

. أذكر اسم من طلب منك حل هذا الواجب.
تمت الاجابة على هذا السؤال فيما سبق (انظر الكتاب المدرسي ص 1)

. أذكر القوانين المتعلقة بهذا الواجب
مش عارفة

تحدث عن ستة أسرار قد لا يكتشفها من يقابلك للمرة الأولى.(وغالبا مش هيكتشفها على الاطلاق ده رأيي الشخصي)
1- ان لدي مدونة
2- انني من النظرة الاولى حللت و حكمت وصنفت شخصيته طبقا للمعطيات الجسمانية والهيئة العامة (ماحدش يقولي ازاي!!!)
3- انني اتصنع كثير جدا البلاهة والطيابة امام الاخر عشان يطمن ويبدأ يحكي (دي استراتيجية) و انني اتعمد الغلاسة والتناحة والرخامة في اول تعارفي على حد عشان بعد كده ارجع ف الغلاسة براحتي وعلى أقل من مهلي (دي استراتيجية تانية)
4- انني اجد دائما اعذارا للناس وتبريرا لما قد صدر منهم ولا انزعج من اي تصرف قد يصدر من اي احد إلا فيما ندر ودي خيابة برضه (اولادي خط احمر واتفه تصرف يضايقني ويكون رد فعلي عنيف - ودي استراتيجية اضرب المربوط يخاف السايب)
5-انني لا اقول ابدا احكامي الشخصية على الاشياء او الاشخاص الا امام اقرب الاصدقاء اللي ممكن يفهموا
6- ان اعز اصدقائي والناس اللي بجد لها قيمة عندي كرهتهم وتشاكلت معهم ف بداية تعارفي بهم

بس بقى كفاية فضايح ..

حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.

لسميرة كيف الحال
محمد صبحي فضفضة
للأسف هما دول اللي ممكن اقول لهم الظاهر الغلاسة بتاعتي ماخلتش لي حد!!!

اترك تعليق في مدونة من حولت الواجب عليهم، ليعلموا عن هذا الواجب.
ماشييييييي

نور وزياد

2008-06-15T06:10:00.000-07:00

عايزة أكتبلكم

وصية

بعد رحيل

تفضل لكم..

عايزاها وصية

حساسة وجميلة

مليانة

ألوان نديّة

تبدر الفرح والنور

لخطاويكم..

وجنب كل لون

عايزة أحط

نجمة ووردة وصدفة

وشوية حب

وشوية غُنا..

وعايزة ف الوصية

اشكركم

لأن السعادة كانت ف داركم

بجواركم

مش ف الكتب

ولا المعارك

ولا سلم الفردية

اللي طالع بالبشر

وشارد..

وعايزة كمان اوصيكم

بالحب

وبالأشياء البسيطة

خليكم

بجوار أمنا الارض

- طينها

أو رملتها

او بحرها-

لأن فيها

الميزان

والحقيقة..

وعايزة فيها

أدعي لكم

وأدعي أكتر

تكون الدعوات مقبولة

نور ف طريقكم..

"يحميكم

ويهديكم

ويرضيكم

ويبعد عنكم

اللي يؤذيكم"..

وعايزة ف الوصية

اقول لكم

انتوا ابناء الحياة كلها

وهي فخورة بيكم

لانكم جبتوا الحياة

لينا..

وعايزة برضه

اطلب سماحكم

لقسوتي

أو تقصيري

او زعيقي

أو سوء فهمي

مرات

ليكم أو عليكم..

وعايزة أنهيها

بانكم

من كبدي خرجتم

وجوه قلبي هتفضلوا

ولو احتاجتوني

غمضوا

واركبوا

حصان خيالكم

- زي ما علمتكم-

هتلاقوني

في قلوبكم

- كما اتمنى-

16.05.2008

التاج ..

2008-05-24T08:10:00.000-07:00

وصلني "تاج" من العزيزة سالي .. وهو اول تاج يصلني منذ بدأت التدوين في اكتوبر الماضي...

ومن الواضح للعيان ان التاج من الاهمية بمكان حتى ان التدوين لا يستيقم الا باستقباله مرة واحدة على الاقل في الحياة..

وكي اكون صادقة وكي لا ابدو ك "محدثي النعمة" فانا لا اعرف يعني ايه تاج وما هي اهميته القصوى التي معها يستقبل التاج استقبال الفاتحين ايام زمان.. وفضلت ان ابان غير مطلعة من ان اكون عبيطة .. المهم بقى يا جماعة نبدا الفضايح.. اقصد اسئلة التاج..وهي - ولله الحمد - 4 فقط لا غير..

1- اذكر 5 احلام على الاقل تخص ماضيك وتحلم فيها بتغير الاشياء .. ماذا ستعدل وماذا ستترك؟؟

5 احلام .. كتير قوي!! الحقيقة انا عمري ما حلمت احلام طويلة الاجل .. اساسا المستقبل اكتشفته فجأة لما نور اتولد.. واترعبت ساعتها .. ولا ادعي انني حلمت احلاماً غيرت الدنيا .. بس فاكرة حلم كان نفسي قوي قوي فيه : اسافر السودان وكنت خلاص جهزت نفسي واتفقت مع صديقة سويسرية عسل كانت هتيجي معايا ونعمل كتاب مشترك عن انطباعتنا عن الرحلة.. وبدأنا نجمع معلومات ونحاول تدبير المصاريف...الخ الموضوع ده من يجي 10 سنين بس بقى اللي حصل ان صاحبتي سابت جوزها المصري وسافرت سويسرا ووقف المشروع لهذا السبب ولعدة اسباب اخرى

حلم تاني : اعيش في القاهرة لوحدي في "استديو" يعني اوضة بمنافعها واشتغل وأكون نفسي أو الاقيها بس .. لوحدي تماما.. الخ بس اللي حصل انني حبيت الراجل اللي قلت له على الحلم ده لما كنا مجرد اصدقاء واتجوزته وعيشت معاه ومع عائلة زوجي الكبيرة جدا والجميلة جدا والحميمة جدا واتملت حياتي حواديت لأول مرة..

حلم تالت: كان نفسي يبقى لي جدة بجد زي ما الكتاب بيقول.. بس ما حصلش رغم انني كان عندي 4 جدات ماتت اخرهم من حوالي 5 سنين .. يمكن انا اللي ما عرفتيش افك الشفرة؟؟ اكيد .. اصلي كنت براوّية قوي قوي قوي .. واللي حصل ان حماتي هي تقريبا اللي ملت الدور ده .. أنا باحبها لأسباب مختلفة عن كونها حماتي وقريبة وصديقة ومحبة بجد .. باحبها لانها انسانه كما ينبغي للانسان ان يكون .. اكتر انسان قابلته مدهش..

حلم رابع: وانا صغيرة كان نفسي قوي قوي اروح لأخر الشارع الكبير واشوف فيه ايه .. وكمان اروح لأخر الافق ..في المكان اللي السما بتلمس فيه الارض .. كنت متخيلة ان المكان ده مش بعيد .. وكان عندي يقين انه موجود واني هاركن على السما الزرقا في قعدتي على الارض!!!

حلم خامس:كان حلمي اسافرفرنسا .. وسافرت فرنسا وانا عندي 19 سنة عود اخضر كلي تفاؤل وحب وتصديق للبلد واللي فيها ..وحدثت لي صدمة حضارية مروعة..اكتشفت ان فرنسا فيها شوارع عادي ..واتوبيسات عادي ..وانهم بني ادمييييييييين عادي ... وإنني مضحوك عليا ..فضلت اعاني من الاكتئاب الحاد خمس ست سنين بجد..بعدها اكتئاب متأرجح.. لحد ما نور اتولد .. بعدها ما عدش عندي وقت للإكتئاب...

"المورال" هي انه مش كل حاجة تتمناها تبقى حلوة ومش كل حاجة تحصل تبقى وحشة ..!!!

2- اذكر5 احلام على الاقل تخص مستقبلك..

اول حلم يخص اولادي .. ان ربنا يديم عليهم الصحة والبركة ويجعلهم دايما قرة عين لنا ..

تاني حلم.. اقابل فعلا نفسي .. الاقيها .. انا بدأت رويدا رويدا الاقيها.. وبدأت اشعر براحة للي وصلت له .. بخصوص الحياة والناس ... بس لسه عايزة اشوفها بوضوح .. بدون اي خديعة .. بمنتهى التجرد... لسه الشمس هتطلع..

تالت حلم : عايزة ما يجنيش اكتئاب تاني ... نهائياً!!

رابع حلم: اعلم اولادي كويس .. انهم يكونوا انفسهم بجد .. يكونوا سعداء في اختيارتهم .. يكونوا اوفياء للحياة واقوى من اختباراتها الصعبة...

خامس حلم: نقضي فترة الشيخوخة انا ورفيق الدرب في الاسكندرية.. في بيت قديم سقف عالي قريب من مطعم ايليت...

3- اذكر شخصين على الاقل متواجدين في حياتك حاليا كنت تود وجودهم قبل الأن بزمن..

اممممممممم

حماتي .. لشجاعتها وحواديتها وعطاءها

مدونتي لانها تربطني ربطاً بالعالم الذي احبه...

4- اذكر شخصين على الاقل غير متواجدين في حياتك حالياً كنت تود وجودهم الآن أو في حياة اولادك مستقبلاً..

ابي .. رحمة الله عليه .. كنت اتمنى ان أعوضه أمورا كثيرة وأعتذر له عن أمور أخرى وأن يحضر فرحي وأن يرى أولادي ويلعب معهم ...

قريب من البرازيل .. يموت ويترك لنا ثروة هائلة وطبعا الجنسية البرازيلية!!!!

بس كفاية كده .. على فكرة انا نفسي مندهشة من الاجابات .. اتاري التاج ده حاجة جميلة والله .. وقفة مع النفس البشرية المتشابكة..

المهم انا بقى امرر هذا التاج الى.. مع حفظ الالقاب.:

فاطيما

محمد صبحي

نور سيبك انت

ايما ام البنين

سومة-87

مهرة الحرافيش..

ولأي حد عايز تاج يا جماعة..

نور ..

2008-05-18T13:41:00.000-07:00

في السما
= (نور يفكر وعلامة ذلك يمسك بحاجبه وينظر للامنتهى) ماما؟
# نعم!
= هو بابكي فين؟
# بابا .. مات .. راح عند ربنا..
= الله يرحمه ..(كما علمته جدته) راح فين؟
# فوق ف السما
= ليه؟
#يعني يا نور هو كان تعبان وبعدين راح لربنا ف السما وهو مبسوط عشان عند ربنا ده جميل ومش تعبان
= (منزعجاً لفكرة مرت بذهنه) وانتي هتروحي عند ربنا؟؟
# ايوه يا حبيبي..
= (مرتاعاً) هتروحي وتسبيني؟!!!!!!!
# لأ يا حبيبي مش دلوقتي ان شاء الله لسه شوية
= انا هاروح معاكي ماليش دعوة..
# (بسرعة وخضة) بعد الشر عنك يا حبيبي .. انت هتعيش باذن الله 1000 سنة وتكبر وتفرح وتتجوز وتخلف..
= وتيته هتروح عند ربنا!!!!!
# كلنا هنروح يا نور عند ربنا
=( مرتاعا برضه ) ايه ده !! هنروح كلنا وهنسيب البلد لمين!!!!

السفارة ف العمارة
نور يعشق هذا الفيلم لاسباب مختلفة تماما عما هو مطروح نقدياً .. ورغم حبه لتعابير وجه عادل "ايمان" كما يطلق عليه إلا انه يحب الفيلم بسبب المظاهرات والبوليس والمسدس
= ماما .. هما بيزعقوا ليه (مشهد المظاهرة اللي شاف فيه داليا البحيري)
#عاملين مظاهرة
=يعني ايه؟
# يعني الناس مش مبسوطة .. تقوم تقول انها مش مبسوطة
=وهما مش مبسوطين؟؟
#لأ يا نور
= ليه يا ماما؟
# (صمت)
= طيب البوليس واقف ليه؟
# عشان يحميهم وما يعملوش مشاكل
= مع مين؟
# (صمت) يعني يكسروا حاجة كده يعني .. هنا يبدأ البوليس ف الضرب
= ماما .. هو البوليس بيضرب ليه الناس اللي عاملة مظاهرة هما كسروا حاجة؟؟
#(صمت) احداث الفيلم تتتابع المظاهرة الثانية ف الفيلم يظهر عادل امام مع داليا والضابط يرفع المسدس في الهواء لفك الاشتباك أو ما شابه .. اتوجس لسيل اخر من الاسئلة ولم يخيب نور ظني
= ماما؟ هو الظابط بعد ما بيرفع المسدس بيوديه فين بعد كده؟؟!!

عيد الام
نور اسعدني باحضار هدية لي يوم عيد الام (مدفوعة الثمن من قبل عماته الصغيرات)
= (مبتسما والحقيقة ان الهدية هي ابتسامته بنت اللذين دي التي هي خليط من السعادة والرضا والمكر والسخريه ) ماما اتبسطي بالهدية
#طبعاً يا حبيبي .. شكرا يا نور حياتي
= طيب مش هتجيبي لي هدية بقى انا كمان؟ (براءة في عينيه)
#(!!!!!)
= مش انا جبت لكي هدية.. تبقي تجيبي لي هدية
# ماشي يا برنس!!!
بعدها بدقائق
= ماما.. شكرا على الهدية اللي هتجبيها!!
#(!!!!!)
بعدها بساعات تشاجرنا - كالعادة- ووبخته مش عارفة ليه فقطب حاجبيه وشحتف صوته ع الاخر
= بتزعقي لي وانا لسه جايب لك هدية؟؟!!!!!

خبز امي
نور ولد ذواقه ..أحببت أن أعوده منذ الصغر على مارسيل خليفة وغيره من الفن اللي بجد فشغلت أحن الى خبز امي .. وانتظرت رد الفعل اللي ماجاش..
= ماما(مشغولا) تعالي معايا
# ليه يا نور؟؟
=تعالي بس ..
#فيه ايه طب بص انت سامع الراجل ده بيقول ايه؟
=ماما .. اقفلي الكلام ده يا ماما وتعالي .. أذهب صاغرة محبطة ليخبرني انه يريد الفرجة على الجزيرة للاطفال فأحاول معه
# تعال بس اقول لك على حاجة .. إنت عارف الاغنية دي بتقول ايه؟
= (انتباه) فأخذت اشرح له ان الراجل عايز ياكل من عيش امه وقهوة امه ..الخ ايه رأيك؟؟
= (يتهرب) ماما اقفلي على الكلام ده ..احباط وعوده الى ما كنت اقوم به .. فجأة اسمع " أحب خبز امي .. احب خبز امي يكررها لعجزه عن تذكر الكلمات
# نوررررر
= (يضحك) احب خبز امي (وأخذته الجلالة) وشاي امي واكل امي .. ومناخير أمي .. وضحكنا
هنا سمعنا من الخلف بشئ من السخرية ابا نور
* ... وضررررب امي..

سرَحان
=ماما ...ماما.. ماااامااااا!!
# ايوه يا نور
= بتبصي كده ليه؟؟
# سرحانة .. بافكر..
= في ايه؟
# انظر اليه... فيك!
=ليه يا ماما .. بتفكري ف ايه؟
# بافكر لما تكبر .. هتسبنا ولا لأ!
=(منزعج) انا عمري ما اسيبك يا ماما يا حبيبتي...

بعد مرور ساعة
نور ينظر للفراغ ويقول لي : قولي لي بتبص لايه
# بتبص لإيه يا نور؟
= سرحان بافكر
# (!!!) ف ايه؟؟
= فيكوا (قصده انا وباباه)
# إحنا ؟؟ إزاي؟؟
= بافكر فيكوا لما تسيبوني
# (انزعاج حقيقي) إزاي يا حبيبي تفكر اننا ممكن نسيبك !!!
= (تقريبا غاضباً) مش انتوا هتموتوا وتسبوني ؟؟؟!!!

بالليل ..

2008-05-14T11:01:00.000-07:00

الفنان نور الدين

حواديت

2008-05-12T10:52:00.001-07:00

سكوت
السكوت علامة الرضا .. عبارة لم نعد نسمعها من فترة طويلة .. ربما لانه لم يعد هناك منْ يسكت .. ولم يعد هناك من يرضى.. ولم تعد هناك اي علامات ..

شم النسيم
يا سلام عليك يا ربيع .. أول مرة - ربما - انتبه لكا هذا الجمال .. !! اول مرة اشم زهور شجر البرتقال واليوسفي وأول مرة تقتحمني كل هذه الخضرة النابضة ... احتفظ بقدر كبير من الدهشه لهذا الربيع ..
ويا سلام على شجر التوت ... يااااه .. لو فيه رمز حقيقي لمصر فهي شجرة التوت .. كبيرة مهيبة .. حنونة.. وثمارها قريبة .. لذيذة... يا ترى كم شجرة توت على ضفافك يا نيل مصر .. وكم بيت عامر يتظلل بها؟؟؟

مامي
إذا امكننا أن نطلق على اصوات المطربين صفات مختلفة وشخصية جداً فإن صوت الشاب مامي هو بلا ادنى شك صهيل حصان..
لا تفارقني صورة جواد عربي اسود وأصيل يرمح في الخلاء تحت ضوء القمر .. بشموخ وثقة .. عندما اسمعه
وفي البومه المصري أعطى رونقاً مختلفاً للألحان والكلمات .. فقد صعد بها الي أعلى .. في جموحه نحو السماء..
معه مش مهم بيقول ايه .. المهم بيقوله ازاي الارتباط الفعلي بالصوت والصهيل... (على فكرة هذه فكرة اتقاسم ملكيتها مع رفيق الدرب الذي عرفني على مامي منذ اكثر من 10 سنوات!!)

كتب
* يجب أن يقرأ كل المصريين كتاب دز جلال امين "ماذا حدث للمصريين" .. لقد أثار دهشتي وإعجابي لذكرياته الخاصة التي تنساب أمامنا صانعة مقارنة بين ما كان وما هو كائن الآن .. التاريخ يعلمنا .. انه لا جديد في جعبة الانسان!!!
* "واحة الغروب" عمل اعاد لي التوازن المفقود أو المُغيّب .. عمل اُنضجَ على نار هادئة .. وبكل صبر الصحراء.. شكراً للأديب القديس بهاء طاهر
* "تاكسي" خالد الخميسي .. اضحكني وعلمني ..! وقد حظى بقدر لا بأس به من الحسد ليس على الكتاب - لا سمح الله- ولكن على البشر الذين صنعوا هذا الكتاب النابض الحي يكاد الضجيج والضوضاء والحر والغلب يفتكوا به وبنا .. لكن لحسن الحظ ينقذه الصبر الطوييييل والنكتة بنت اللذين ومراوغة الواقع مرة بالأمل ومرة بالرضا ومرة بالإيمان الجميل.. كُلُ ينجو بنفسه كما يعن له .. وصلني منه كل شيء حتى الرزاز الخارج من أفواه المتحدثين..
بس شعب ابن لذينا ملوش حل ...!!

تدوين
يحلو لي التفرس في المدونات .. لهدف آخر غير المحتوى.. الالوان والخط وحجمه .. الشعار .. الصورة.. المدونات الصديقة ..الخ والمدونات انواع كثيرة .. هناك مدونة كالبيت .. مرتبة منسقة.. على مهل وروية .. هادئة تريح البصر والقلب.. وهناك مدونة كالقهوة .. صاخبة ..حميمة ..متوحشة .. وهناك مدونة كالشارع حية.. زحمة.. نابضة قد يحدث بها اي شئ .. فوضوية.. وهناك مدونات كالسحاب.. حالمة.. خطرة الحزن .. والفرح .. وهناك مدونات كالماء البارد عذبة .. طيبة الأثر.. ناعمة.. وهناك مدونات كصالة الاحتفالات.. دائما متوهجة تلمع وتشد بتلابيب القارئ مرهقة المتابعة .... وهناك مدونة كالحديقة نضرة .. مزهرة.. هادئة ايضاً عطرة...مقصقصه ومهذبة وهناك مدونات كالمنجم.. رطبة.. عطنة.. منزوية .. تثير الهواجس .. دون ان نجد بها أي اثر لماس ...الخ وأنا لااعترض على الإطلاق .. أنا بس بحب أتفرس أخزّن ... أنا اصلاً متيمة بالسلوك الإنساني....

الشيخ محمد
نور اصبح يخاف من نزول الشارع وعندما تكلمت معه بالمنطق والحجة وبعد حوار طويل صرح لي انه يخاف من "الشيخ محمد"
* مين الشيخ محمد ده؟ وأفهمني انه الرجل المجذوب الذي غالاً ما نقابله في القرية وهو واحد من اثنين او ثلاثة
*يا نور دا راجل غلبان .. مخه زي زياد وجسمه كبير بس
= بيخوفني ماليش دعوة..
بعدها بكام يوم كنت الم الغسيل وأفكر (من الدور السابع) وحانت لي التفاتة لأسفل فوجدت الشيخ محمد واقف ينظر لي ويبتسم .. انزعجت جدا وتراجت بسرعة .. ثم توجست "أي علامة ترميها في طريقي يا شيخ؟؟ّ!!" نظرت مرة أخرى فوجدته مازال على حاله ينظر ويبتسم تراجعت وانتابني رعب حقيقي... تذكرت نور وانا احاول ان اتنفس..لحظات ونظرت مرة أخرى ... فلم أجد احداً ..

رفيق الدرب
دعني اختار يومين فقط من أيام كثيرة لأشكرك عليهما : يوم أحضرت لي "واحة الغروب" و"تاكسي" ويوم زرعت لي شجرتا التوت...

لمسة
اعتدنا المرور من فوق كوبري للقطار...وهناك الكثير من القضبان والاوتاد الحديدية السوداء..ولأن الكوبري اعلى قليلا عن مستوى الأرض نستند على وتد حديدي كي نلج في الكوبري . دائما ما اثار انتباهي هذا الوتد .. كم تلمع رأسه بشدة حتى في الظلام .. اما باقي الوتد فيتخذ اللون العادي للحديد .. كم هو رائع ما يمكن أن تصنعه لمسة الانسان!!!

من يوميات نور

2008-05-05T07:10:00.000-07:00

من يوميات نور منشورة في 06.03.2008

سؤال

# ماما.. وإنت صغيرة أنا كنت فين؟
= (إحساس بالورطة) كنت عند ربنا
# إزاي يعني؟!
= كنت عند ربنا ولما كبرت جيت في بطني
# (إهتمام) جيت إزاي؟ يعني ربنا فتح مخك ونزلت منه لبطنك؟
=(افكار عن الارض والبذرة ثم تراجع) لا أنا نمت ولما صحيت لقيتك في بطني
# وزياد كان معايا؟
=لأ.. لما إنت جيت وكبرت برضه نمت صحيت لقيته في بطني!

حسنة
#ماما (يمسك بوجهي متفحصاً محبطاً) ايه ده انت عندك حسنات كتيرة
= والله .. عدهم كده
# 1..2..3…4…5…6..7 ودي كام؟
= 8
# ودي
=9
#ودي
=10
# نبرة صوته تعلو .. عندك 10 حسنات (غيرة) طب انا عندي كام؟
= لسه ما طلعش لك حسنات
# (دلع وزعل) أنا عايز حسنة ماليش دعوة
=طب نعمل ايه؟
# تديني حسنة من بتوعك
= إزاي يعني؟؟
# شليها بالملقاط والزقيها على وشي… شيلي دي (يشير للحسنة اللي تحت الذقن) وحطيها هنا (في نفس المكان عنده)
=طب هات قلم اسود
#(إهتمام ع الاخر) ليه؟ ورسمت له واحدة في المكان المزعوم ، جرى ع المراية ورجع وعلى وجهه الابتسامة بنت اللذين التي تدل على الرضا والسعادة ثم تذكرشيئا … ودلوقتي هنشيلها إزاي؟؟
= عادي ..ومسحتها له بكم البلوزة …ذهب للمراَة وعاد بنفس الابتسامة

شجار
اتشاجر انا ونور كثيرا لانه يحاول ان يثبت شخصيته وهو الامر العادي وطلباته تحمل دائما نبرة الاستعجال (خلصي يا ماما!!) وهو يتبع نظرية الزن ع الودان أمر من السحر… وانا احب التروي واكره الزن بكل انواعه وكذلك المفاجات غير السارة..
نور يستغل فرصة انشغالي بنشر الغسيل ويمسك الفتالة وهات يا عكعكه يسميها مساعدة (لانك ما عندكيش بنات) وانا احيانا اقدرها وبدبلوماسية افهمه انه ليس من مسئولياته ذلك العمل بس مين؟؟ ما أن رأيت المشهد حتى صوَت اه والله صويت حياني لاول مرة ..ينزعج بشدة والصوت العالي يوتره ويجعله يقفز من مكانه…
= نور اطلع برررررررررره من هنا (اشير للباب كي يصعد لجدته) يدخل هو جوه بسرعة
= رايح فيييين؟
# (بخوف و كمن قطعت عنه النور فجاة) هاجيب الشبشب من جوه
=(في موقف إخر كنت انفجرت م الضحك)اطلع فوق يله!!!
أدخل حجرته وانا في قمة الغضب من هذا الحشري الذي يصمم على مضايقتي وخلق المزيد من الاعمال لي..لاجدها مرتبة ...الالعاب مكومة في ركن ومغطيها بسجادة الصلاة والموتوسيكل مغطيه في ركن بفوطة …شعور بقلة الاصل ..ندم على افترائى عليه وصويتي غير المبرر.. شعوري بالندم يزداد خصوصاً وأنا أراه يهتز ويقفز من الانزعاج من الصوت العالي… شعور بفداحة تصرفي… الجرس يرن… أفتح …. لجنة مكونة من عمتين جاءت للصلح بيننا.. المح ابتسامته خلف الباب ينتظر ان اناديه ويترقب.. ينظر لعيني مباشرة … برضه بوَزت شوية رغم انني هاموت واخده ف حضني واصالحه
= ادخل يا حشري..ادخل.. يجري علي ويرتمي في حضني فأقبَله ويقول لي
# انا مش فاهم يا ماما بس انت زعلانة ليه دا انا خليت لك الشقة نضيفة وزي العسل عشان بابا ييجي يلاقيها مترتبة!!!

غَذاء لعب
قلما نتناول الغذاء معا فهو يفضل اللمَة عند جدته مع اولاد وبنات عماته.. ويأكل فعلاً معهم اما معي فيقول مبررأً رغبته الدائمة في الصعود ” يا ماما هنا ساكت كده.. مفيش صوت” ولا استطيع مع هذه الكلمات البليغة ان افتح بقي!!
أضع أمامه كل ما في الثلاجة وما على البوتوجاز ..الفطير بالبلح والرز والقلقاس واللحمة
# ماما احنا خدنا اغنية جديدة
= اسمها ايه يا نورو
#مش عارف..
= طيب افتكر أي كلمة منها
#بتحكي عن فرخة واقفة على حيطة
=اه دي أغنية بالفرنساوي!! وانطلقت..
Une poule sur un mur * qui picote du pain dur *picoti picota * lève la patte puis s’en va !!
#( منبهراً مبتسماً) ايييييييييييييوه هي دي!! وخدنا كمان اغنية مع مدام نجلاء
= ايه هي؟
# الكتكوت خرج م البيضة بعد ما تم 3 اسابيع… ….
= برافو عليك
# (مبسوط ) انتي عارفة فيه واحدة اسمها شهد المدام ضربتها
= ليه؟
#علشان صرخت صرخة كبيرة ….مش شهد صحبتي واحدة تانية
= لأ فعلاً وحشة..
# أنا بقى شاطر ما بضربش ولا حاجة…
= طبعاً يا حبيبي وقوي كمان
# عشان ايه؟
= عشان بتاكل الرز والقلقاس واللحمة والفطير..كل ده طبعاً بيقوي العضلات..يلا بقى ناكل
# هما النينجا بياكلوا الحاجات دي؟؟
= طبعاً…. علشان يبقوا اقوياء.. امال ايه..
يترك الاكل اصلاً ويدخل لاحضار العدة .. سيخ الفرن دا السيف وماسك بات مان وهات يا يع يع يع طشش هاع….. هاع……… ها!!!

فرعون
الاحتكاك والشجار لا يقتصر على بل مع السيد الوالد كمان خصوصاً على التلفزيون (راجع تدوينة ريموت كنترول)
* نور هات يا حبيبي ازازة الميه من المطبخ
# (طناش)
* نور انت سامعني؟؟
# طيب هات الاول على سبيستون
* يلا يله ادخل هات الازازة!!
#( يدخل مضطرا ومبرطماً و محتجاً بشدة وثائراً ومنزعجاً من الصوت العالي يجدني بالمطبخ) اوعي يا ستي لما نشوف الفرعون ده ……. دا فرعون!!!!

سمكة
نور يرسم على سبورة بالقلم ويعود ويمسح ما رسمه لان المكان لم يقضي (تماما مثل سعيد صالح في مدرسة المشاغبين لما كتب مـن ولم يكمل لان السبورة خلصت!!) واخذ يرسم ويحكي ما يرسمه
# شوفي يا ماما دي مركب ودي سمكة قرش كبيرة وانا هنا (يرسم نفسه فوق المركب) ودي شبكة باصطاد بها السمكة القرش واصطدت معاها كمان سمكتين صغيرين
= جميل يا نور
# هنا بقى (فى الجهة الاخرى من السبورة)انتي اهوه وبعدين وقعتي ف البحر قمت حدفت لك الحبل ده.. طلعتك وطلعت معاكي 3 سمكات…

شغل
# ماما ما تسيبي الزفت ده وتعالي العبي معايا ( وهي دي الحالة الوحيدة اللي باسمح بها بكلمة زفت قصده الكمبيوتر)
= انا باشتغل يا حبيبي (يدوس على الازرار بعشوائية وغيظ)
= ايه ده قلت لك انا باشتغل!!
#يا ماما تعالي العبي معااااااااايااااااااا (ادرك انه لا سلام يلوح في الافق)
=تعال يا سيدي
# (يتدلل ويعمل سي السيد) اعملي لي شيكولاته باللبن
= ماشي يا برنس
# (بمنتهى الجدية والغضب) ماما.. انتي عارفة ان انا ما بحبش الكلمة دي!! وقلت لك ميت مرة مبحبهاش!!
=(استعبط ككل مرة) امال اقول ايه دابرنس ده معناه امير(كل مرة برضه باقول كده)
# قولي يا نور …(يتردد لانه جد جدا ) قولي يا بياضة (يبتسم)
=ماشي يا برنس هاقول يا بياضة
#تاني يا ماما يا برنس؟؟
=خلاص ما تزعلش يا بياضة!! (يبتسم ابتسامة الرضا اياها)

قيلولة
فرصة اخرى للجدال اريد ان انام ويريد هو ألا ينام
#(عيني مقفلة تقريبا ) ماما!
=ايوه يا نور
# ما تناميش (يمد يده ويفتح عيني بالعافية)
=طيب اطلع عند تيته لحد ما انام وانا هاطلع لك يا حبيبي
# لأ انا عاوز اقعد معاكي
=طيب قوم العب جنبي على ما انام شوية
# لأ مش عايز اقعد لوحدي
= طيب نام
# لأ مش عاوز انام
= (تفقير مني واضح وجليَ)
# (يصيح) ماما!! اصحي بقى يلا ما تناميش هو كل شوية نوم نوم
= طيب اقعد معايا وما تنامش وسيبني انام
# لأ اصحي والعبي معايا
= طيب بص سيبني 3 دقايق بس وبعدين هاصحى لوحدي ماشي؟؟
# ماشي 3 دقايق بس (بعد 3 ثوان) اهوه خلصوا
= لأ يا حبيبي لسه شوية لما يخلصوا انا اللي هاقوم لوحدي من غير ما تصحيني …سيبني بقى!! (عيني مغلقة… صمت واحترام الشرط… انام)

رن جرس ..أفتح عيني لقيت نور نايم ابص على الساعة الاقينا بقي لنا ساعتين نايمين
= نور …قوم يلا يا حبيبي … قوم يا نور
# (غضب وصياح تقريبا جِعِير) ماما!!! ….سيبيني بقى انا عاوز أنااااااااااام…

حمام
نور منهمك في نشاط ما.. رسم او لعب مع السيارات .يداهمه الشعور بوجوب الذهاب للحمام وكأي بني ادم تتكرر المسالة كذا مرة باليوم…..وكل مرة يضيق نور من تضييع الوقت.. اضطر لتذكيره..
= نور انت عاوز تروح الحمام ؟؟
# (يزعق محدثا نفسه -لأنه لا مفر) هو كل شوية حمام حمام … مرة واحدة كفاية بقى!!!
=(اضحك)
# (مستمرا من داخل الحمام ) مرة الصبح ومرة ع الغدا ومرة باليل ….. اوووف بقى!!!

سؤال
الاستيقاظ الصبح يتم بصعوبة ونور يظل محملقا في الفراغ قبل ان يستوعب الاستيقاظ…
وهوعلى هذا الوضع وبينما احاول انتزاعه من السرير داهمني قائلا كشئ مُلح
# انا عاوز اعرف انا جيت في بطنك ازاي وانت نايمة؟؟!!

حواديت ..

2008-04-30T02:42:00.001-07:00

كنوع من ازاحة الكسل ورش المياة لجلب الرزق قررت نشر هذه التدوينة المنشورة من قبل بتاريخ 27.02.2008 على مدونتي الاخرى ..

تدوين
لا اذكر اول مرة قرات فيها عن التدوين …. يمكن منال وعلاء؟؟ مش فاكرة.. بس اللي فاكراه ان التدوين غير حاجات كثيرة في حياتي … انا اكتب من زمن طويل .. ومحتفظة باول حاجة كتبتها وانا في التاسعة من عمري وحافظة ريحة الصفحة وامضائي في نهايتها…. كانت الكتابة دائما نوعا من النزوة التي اتوب عنها فيما بعد بابتعادي المؤقت و كانت محاولة للم الذات المبعثرة ومحاولة لفهم العالم وتفسيره ووسيلة لدفع الاخر وإقامة فقاعتي الخاصة التي تحميني..اما الان فالكتابة نوع من التواصل مع الحياة، التي اصبحت جارتي بعدما كانت تسكن في نهاية المدينة ، و تدوينها بالمعنى القديم ، نوع من الترقي في سلم مهمتي الخاصة على الأرض، نوع من مد الذات لاقصى حد ممكن، نوع من التحليق.. نعم….. لقد نمى لى جناحان!!!وانا التي لم اعتقد يوما في الكتابة على الكمبيوتر أو الاله الكاتبة ، فكان يجب ان اشم رائحة الورق ويا سلام لو اصفر شوية وقديم واتحسس القلم ، يجب ان يكون خطه معقول لا رفيع للغاية وحاد ..مترفع يعرقلني ويمنع التدفق ولا سميك يقشعرني كسلحفاة تجر اطنانا.. ولكن متوسط يجر اناملي ويسبقني ..ناعم ينزلق مع افكاري اللاهثة. كنت احب الورقة الطويلة حى لا تعطل التدفق.. الواسعة ابحث فيها عن براح ينقصني… وما ان تنتهي الورقة حتى يتوقف القلم فجاة وبصعوبة اكمل في الصفحة التالية!! وانا مدمنة لرائحة الورق واحب الاقلام الحبر واشتري الحبر الصيني الذي افضله عن باقي الاحبار مهما كانت ماركتها و رائحته تنقل لي تاريخ الدواوين واجواء مكاتب اكبر المبدعين… ثم اتت فترة احببت القلم الرصاص المتعب جدا لانه يجب ان يكون رفيعا جدا ونوعه يكون “بي” وليس “اتش بي” ….و الان اتحايل على نفسي كي اكتب في كشكولي الخاص وارسم واصنع دوائر لاتحايل على الافكار … والصق اول خطوط لنور “أ ، ب ، ت ، ث ، ج ، ح ، خ….”من يومها تطاردني الاف التفاصيل التي تدهشني والتي اعتقدت انها توارت للابد ..كأنما تنذرني كي اسجلها قبل رحيلها الوشيك.. الاف التفاصيل التي تاخذني وتعيد ترتيب تاريخي والتي تتجمع لصنع صورة ما…اعتقد انني في مرحلة مخاض … غير مؤلم.. هاديء… لكنه سيسفر عن امر جميل.. استشعره .. على مهل .. وبروية….

حواديت
كم كنت اتمنى أن تكون لي جدة كما ينبغي … كبيرة بما يكفي لضم طفلة وممتلئة كحصن يمنع الزوابع …. منبت الحودايت “وصل ع النبي .. و كان يا مكان يا سعد يا اكرام ولا يحلى الكلام الا بذكر النبي عليه الصلاة والسلام .” ثم تحكي لي حواديت الجن والعفاريت والشاطر حسن واخاف وتاخدني في حضنها العامر وتغني لي “فولي فولي يا سوداني ياللي مقلي ع الصواني حنتش بنتش ياللي بتنتش هات لي حته من دهيه …” ثم تنتش برفق خدي او اذني وتضحكني وتعطيني الكرمله “البونبون زمان” بفمي في نهاية الحدوتة ، اخرج واجري لالعب الحجلة وانا اعلم انني ساعود لاجدها جالسة على الكنبة.. كبيرة.. مهولة كتمثال لبوذا تبتسم لطلتي و تحتضني وتجلسني وانا كملكة في ظلها اشم رائحة القهوة والسبرتو واحكي لها حواديتي وتمسح على شعري بيدها التي يلمع بها الخاتم والغوايش الذهب ، يدها المحندقة كما ينبغي ليد جدة ، يدها التي “صنعت للطبطبة” … ثم انام في حضنها وأأنس بأنفاسها وكحتها في رطوبة الشتاء ، وتشاركني سريري واسراري… جدة تنظر لي بإعجاب وحنو وتخاف علي في سرها من حسد الحاسدين “ومشي من الشارع دا بلاش دا يحسن الناس تحسدك اللهم صل ع النبي!!!!”جدة لا تخرج مطلقا دون ان تسحبني في يدها الدافئة، لا انظرامامي واسير احدث نفسي واحلم واتحنجل يكفيني انها تنظر امامي وتنبهني للضرورة.. واذا حملت شيئا على راسها اعلق بذيلها.. وإذا خرجت دون ان اعرف وعدت فلم اجدها في البيت اغضب واثور عليها واضربها عند عودتها فتأخذني في حضنها وتقبلني في تأني وتخرج منديلها وتنثر علي الحلوى … جدة تأخذ جانبي على الدوام ضد الجميع وتدافع عني وتخبئني إذا جاء ابي ليضربنيجدة تصنع لي العروسة في مرضي واغفو على ركبتها وانا انتفض من الحمى ، وتخرم عيون الحساد بابرة ثم تحرق العروسة وترى من حسدني في رمادها ثم “تعك” اصبعها الصغير وتضع من الرماد الاسود على جبيني ، اغفو قليلا ثم استيقظ لاجدني وقد تعافيت…جدة تحتفظ بصندوق عرسها بهدية لي عند زواجي تعطيني اياها… وتقبلني وتبكي ثم اترك الدنيا كلها لادخل البيت واجدها مرة اخرى على كنبتها نشرب معا القهوة واودع لديها اسراري الجديدة وتمنحني من جديد الامن في حضنها…. يا جدتي التي لم تكوني ابدا .. انت ملهمتي!!!

نـــور و زيـــاد
شيء غريب ان تظل العلاقة بيننا تشتمل كل يوم على الجديد والمدهش .. زياد يحمل شخصية كتومة لا يبوح ولا يريد ،يجب منحه الكثير من الوقت والحب والقبل حتى يطمئن وبعبر في خجل عما يريد وما ان افهمه بسرعة حتى يبتسم ويخبيء وجهه في احضاني .. يبكي لفراقي ويجب البدء معه من جديد وبناء الثقة من جديد .. كي يبوح.. لكنه يفهم كل ما اقوله له عن الانتظار لحظة عن احضار شيىء ما عن اللعب عن الخروج … يدهشني واشعر بالفخر به واحترم ايقاعه الخاص ..وهو ياخذ وقته لبناء جسر بينه وبين العالم.. ربما يريد ان يثق ان يطمئن خاصة انه مريض في معظم الاحوال نتيجة التلوث والتيارات الهوائية…. مسحورة ومشدوهه بشخصيته الغامضة والكتومة…نور صرح لي انه يحب السيارات اكثر مني، ثم نظر الي وقال بندم “زعلانه؟” قلت لا طبعا المهم ان تقول ما تعتقده يعني تقول الحقيقية يا نور!! وقلت له انه اعز مخلوق في الوجود وانني اريده اسعد واحد في الدنيا ثم قلت له وانت عايز ايه يا حبيبي فقال” انا عايز عربيتين”

طـــقـــس
الطبيعة تذكرنا من حين لاخر انها الاقوي وانها تتغذى على قوتنا .. فكان المطر العجيب اول امس ،اظلمت الدنيا فجاة وانهال مطر هادر ورياح فسخت الابواب واغرقت الشوارع والبيوت ، كغضب نبيل متقد ..ثم تركتنا في ذهول نملأ الاواني لازاحة المياة المتخلفة عن النزوه الطاغية للطبيعة….. في اليوم التالي سطعت الشمس كأجمل ما يكون السطوع وظهرت البيوت والاشجار نظيفة جميلة … فردت بطاطيني على البلكونة وشاهدت الجيران يتشمسون بكسل على الاسطح ، تنشر السيدات الملابس على حبال في مواجهة الشمس ..زقزقت عصفورة وصاح ديك … نظرت للاخضر المترامي في الافق وايقنت ان الربيع ات ………

مزيكا
امس شربت قهوة باللبن - اصنعها قهوة تركي واستبدل الماء باللبن- كوبا كبيرا.. احب طعم القهوة باللبن احب ان اعتقد ان القهوة إمرأة نحيفة صعبة المراس عسيرة المنال وياتي اللبن ويمتزجا فتهدأ ،تمنحه الطعم ويمنحها الكريمة! ولاني شربتها متأخراً لم انم حتى الفجر رغم استلقائي، ودوت في رأسي أغاني “احن الى خبز امي” التي ما ان استرجع منها هذا الجزء حتى تندفع دموع غامضة الى قلبي ثم اغنية حنان ماضي التحفة “امايا يا امه… شدي الضفاير….” تنبعث الموسيقى في اجواء كالحلم تعززه الاباجورة ذات الضوء الاصفر، صدى الصوت يعود مرارا وتكرارا في راسي يتسرب الى اعماقي… “واعشق عمري لاني اذا مت اخجل من دمع امي….

جواب
اول جواب من نور فيه حروف من الف الى خ (خطه جميل!) وسلم وعلم ولقمة!! للاسف فشلت في رفعه

فالله خيرٌ حافظاً ..

2008-04-16T12:42:00.000-07:00

لبعض الآيات مكانة خاصة من نفسي .. يبدو أنها ترتبط بميولي وتكويني وحتى مخاوفي أكثر من أخرى
وبينما تكون الآيات القرانية المفضلة للبعض “وبئس المصير” تنير لي طريقي الآيات التي تنتهي ب ” أرحم الراحمين “ وليس لي بالطبع التعليق على آي القرآن أنا فقط أريد التحدث عن بعض الآيات التي أحبها وعلَمت داخلي وآراها تحفة فنية لغوية وتجعل عالمي متسق ..
بادئ ذي بدء أعشق سورة يوسف وسورة يَس وسورة الأعلى والإنسان والتين والضحى والشمس والعلق والشرح وعبس والقلم وطه .. والأسباب عديدة منها ما هو متصل بخيال الطفولة البكر والصور التي تتشكل من فهمي للنص مثل ” والتين والزيتون .. وطور سنين ” طالما اسعدتني لا أعرف على وجه الدقة لماذا او من الموسيقى الداخلية الرائعة والتركيب اللفظي للجملة مثل الآيات العبقرية ” سبح اسم ربك الأعلى .. الذي خلق فسوى .. والذي قدر فهدى..” أو “والضحى .. الليل إذا سجى .. ما ودعك ربك وما قلى..” يعجبني تزاوج الحروف والاصوات مع المعنى
كل ذلك من وحي الطفولة وعندما كبرت استوقفتني آيات بعينها كنت اخطها واتأمل المعنى العميق لها بعيدأً عن الخطاب الديني المعتاد فكم هي جميلة دعوات الانبياء مثل الدعوة الرائعة لسيدنا موسى ” رب اشرح لي صدري .. ويسر لي أمري .. واحلل عقدة من لساني يقفه قولي..”
وكم هي رائعة التقريرات مثل “يؤتي الحكمة من يشاء .. ومن يؤت الحكمة فقد أُوتي خيراً كثيراً” وانا إرتبطت بشكل شخصي بهذه الآية كحقيقة انسانية فمن يمتلك الحلم والصبر والفراسة يقدر الامور بشكل افضل ويحكم على الاشياء بشكل سليم خالي من الاهواء
ويا سلام على الآية الرائعة ” وأما الزبد فيذهب جفاء .. وأما ما ينفع الناس فيمكث في الأرض…” وأرى انها يجب ان تُقرأ بتروي و تدبر وهي تعطني القناعة أن المظاهر والسفيف من الأمور لزوال وان الاشياء الحقيقية فقط التي تساهم في بناء الارض والانسان تظل وتتراكم ..
وكذلك “نور على نور ” والمسألة ليس لها علاقة بنور ابني انا اسميته نور من اثر تلك الآية وفيضها العظيم على الروح وهنالك “لن تنالوا البر حتى تنفقوا مما تحبون” -وأيضاً “وإذا سألك عبادي عني فإني قريب أُجيب دعوة الداع..” - “وأحسنوا إن الله يحب المحسنين ”
واقف مبهوتة أمام “ولولا دفع الله الناسَ بعضهم ببعض لفسدت الأرض”
أما بقى الآية التي أنقذتني وتنقذني كل يوم من الوسواس القهري فهي “فالله خيرُ حافظاً وهو أرحم الراحمين..” ياااااااااااااااااااااااااااه وأنا أبحث عنها في طريق الحياة على سلسلة او دلايه كي أرتديها وأتحسسها دائماً فغالباً ما تصيبني الهواجس والمخاوف على ابنائي وكنت اهلع ومع الوقت ادركت أنه نوع من الوساوس وقررت أن أقهره وحدي بهذه الآية كلما هاجمتني أقرأ في سري ” فالله خيرٌ حافظاً … وهو أرحم الراحمين” يااااااه تطبطب على روحي بشكل!!! أنه يحفظهم ثم إن كل ما يأتي به تعَال خير… ثم يهدأ من روعي بالإرداف المعجز وبعدين هو كمان ”أرحم الراحمين” ارحم الراحمييييييين إفهمي!!! كأنه عتاب رقيق على الخوف غير المبرر!!
وبشكل خاص جداً أحب ” الحمد لله رب العالمين .. الرحمن الرحيم” فيها إتساق وثبات ورسوخ وتبعث على طمأنينة عجيبة ارى فيها جوهر الإيمان والسلام مع النفس…
وهناك ايضاً أيه من الانجيل (أو ترنيمة لا أعرف!!) أحبها جداً وأحب وقعها على الأذن “المجد لله في الأعالي .. وعلى الدنيا السلام” ياااااه رائعة!!
كما قلت كلها مشاعر شخصية وانطباعات تكونت لدي عن أعظم وأصعب الكلام .. القرأن الكريم

إ ض ر ا ب ..ع ن .. ا ل و ط ن ...

2008-04-07T23:34:00.000-07:00

انا حزينة ... على الوطن

أنا حزينة على متاجرة الاعلام الفج بجوع الناس

أنا حزينة على الزمن اللي خلى الناس بلا كرامة ولا ثمن

أنا حزينة ع الحق اللي ضايع وهو منور زي الشمس

انا حزينة عليك يا وطن..

عمري ما كلمتك يا مصر.. عمري ما قلت لك بحبك ولا حتى باكرهك

دلوقتي باقولك بحبك بس حب بطعم المرارة ..وباكرهك كره بطعم الندم ..

فين الكلام اللي ممكن يوَصف الاحساس .. واي كلام قيمته إيه امام الناس اللي ماتت واللي بتتهان واللي عاوزة بس مجرد تاكل عيش

وتمر حياتها بسلام مستورة من غير قلة كرامة ... وتندفن برضه تحت ترابك يا قاسية!!

هو ده كتير ... يا مصر والله والله لأعاندك واهاجر والله والله لاعاندك وأهج منك يا أمي.. يا ستر وغطى.. يا حنيَنة .. يا أمي

بس برضه..- آه يا نيَ- مش هانسى اوصيهم يدفنوني لما اموت تحت ترابك جنب ابويا وامي .. يمكن يمكن ساعتها تحنَي علي وتحضنيني.. يا قاسية قوي قوي يا امه..

صــــــــــــــــــلاة...

2008-04-04T07:10:00.000-07:00

الحيــــــاة

صـــلاة

صليها بهدوء

……………

هتــــــــــــروق

خالد كسًاب
الدستور عدد 26 مارس 2008

نــــــــــــــــــور...

2008-04-02T22:43:00.000-07:00

اول نــــــــــــور ... بخــــــــــط نـــــــــــور

بينما اقلي السمــك!

2008-03-24T06:33:00.000-07:00

بينما اقلي السمك..
يوم اخر من الايام الضبابية التي يصحبها هواء لاسع تزرق له الاطراف … وتجعل الاماكن باردة مظلمة اقل حميمية وقرباً!! الجو المثالي لإكتئاب اصيل…

قررت ان احارب الاكتئاب الزاحف بالعمل الحركي الذي يضخ الشمس في الاجواء ويفرز طاقة تبعث الالوان والدماء الى العروق الزرقاء برداً…

نور غادر للمدرسة وزيزو في طريقه للنعاس هو الاخر .. شعرت بالخواء من حولي.. ماذا سافعل؟؟ ماذا عن السمك المقلي؟ والسمك المقلي نادر الحدوث في بيتنا العامر على عكس المحشي أي من صنعي انا، فعادة مانشتريه من بائع السمك جاهزا او نأكله ايام الجمع- يوم اللمه العائلية..هيا يا زيزو لنشتري السمك الطازج والخيار والفلفل الاخضر والخس وساشتري لك بسكوتاً، ابتسم لسماع كلمة بسكوت…

العمارة صامته على عكس الساعة الثامنة صباحاً ..غادر الاولاد الى المدارس والامهات منهمكات لا شك في الاعمال اليومية… اشتريت الاشياء اكل زيزو البسكوت بكى لتركي اياه لدى الجدة حتى انتهي ….مازالت جوانب الشقة تزحف علي بالاكتئاب… السمك المقلي عادة ما اشم رائحته في العمارة ايام الجمع بعد الصلاة والاحاد- الايام التي يكون بها السمك طازجاً- احب ان اتخيل الامهات المنهمكات في اعداد السمك لاولادهن الداخلين عما قليل محملين ببقايا عراك وتراب اليوم وواجبات والعاب وحكايات… اجمل ما في الامر هو تحويل رائحةالسمك الي رائحة الليمون والكمون والفلفل الاخضر مع الثوم .

فجاة اشعر بوحشة غريبة-او متوقعة!- افتقد نور وزياد افتقد مجرد وجودهما حولي نور في لعبه التخيلي وزياد في كركبته للالعاب ومحاولاته التواصل في “ببببببا مممامممما….” فجاة اردت ان ارى نور مجرد ان ابصره امامي…. اشتقت له ولشعره الكستنائى الكثيف الفوضوي والجميل ولارهاق عينيه وبياض خده الحرير واتساق اسنانه عند ابتسامته الساحرة ولقبلته التي تبعث على الرغبة في المزيد من القبل اشتقت لزياد ومقلتيه الجميلتين المعاتبتين والمتخابثتين احياناً وتكويره في حضني خجلا وبحثاً عن ملاذ وطبطبته على كتفي بيده الصغيرة كما افعل معه يطبطب علي في حنو يأسرني….

تملكني حنين مفاجىء لا اعرف لماذا …ارقص على حبل في سيرك ضبابي يحملني الهواء كريشة ادور وادور…. يملا صوت فيروز الاجواء “انا عندي حنين ما باعرف لمين ….” يسقط الحنين على اولادي ….اريد ان اتاملهم وابتسم….اردت ان يعود نور بسرعة ويأكل السمك المقلي الساخن مع الارز والسلطة والخس.. كل مرة ادعوه للاكل يعتذر في حرج شخص بالغ لا يريد اغضابي اشعر بالاحباط ثم اشفق عليه من الحاحي واطلب منه ان يقول بمجرد شعوره بالجوع

الارز ماذا سيكون؟ حبة وحبة ام بالشعرية ام بالبصل؟ غالبا ما يفوز الارز بالشعرية لا اعرف لماذا احب امتزاج طعمهما احب المذاق الكريم الطيب لهما!!!قرات مرة ان صنع الاكل هو فعل حب لا ادري الان على وجه الدقة هل قراتها في مدونة ام في كتاب ..

مازالت الشقة باردة متباعدة … افتش فيها عن مجهول….اسمع من المنور اصوات الاواني تغلق وتفتح سمن يطش رائحة شهية تتصاعد … طعام صنع بحب لاحب الناس….السلطة لها سر تعرفت عليه وهو مزجها ببعض قطرات الزيت أي نوع من الزيوت مع الكمون وطبعا بها الجزر والخيار والطماطم والفلفل الاخضر وحبة ثوم…

في كل مرة يصعد فيها الاسانسير اترقب ..ثم سرعان ما يتوقف في احد الادوار…في الدور الرابع يحف المعدن مع الارض فينتج صرير مبحوح اما في دورنا فهناك هبدة معينه …اخرج للبلكونة النهار الرمادي يطبق على كل شئ الاولاد يزحفون في مجموعات .. الهرمونات تدفع المراهقين للإتيان بحماقات عسى ان تضحك بنت من البنات..تذداد وحشتي …في كل مرة يصعد الاسانسير … اترقب اقيس المسافات بمقياس مجهول ….. ها هو يصعد لم يتوقف. الهبدة ثم تكة المفتاح بالباب الشنطة توضع على الارض خطوات صغيرة مسرعة ثم “مامااااااااا؟” ها هو اميري الصغير امامي بالمطبخ!! قبلته وعاتبته على التأخير ،احتار، حضنته دفعني برفق ليهرب مني ،شعر بوطأة مشاعري لم ارد ان ارهقه اكثر، اختلس نظرة سريعة ليرى اين انا ، مبتسمة لرؤيته!!ثم سٍالني عما صنعت ..”ايه دا سمك مقلي؟؟” شعر باحباط وانا ايضاً!!ثم أخذ يحكي لي عن احمد عبد الهادي اللي ضربه بالبوكس “ضربة ف ايده!! وعملت ايه للولد الوحش دا؟” “قلت للمس وضربته” ماعدتش تلعب معاه يا نور” اخذ يؤكد لي انه قال له “اللي بيضرب بيضرب ربنا واللي بيخاصم بيخاصم ربنا” ثم تذكر شيئاً مهماً“ على فكرة المس حكت لنا حدوته – في إشارة ان الحواديت ممكن تصحى بالنهار كمان- فصحت “ايه دا هي حواديتها بتصحى بالنهار؟ امال انا حواديتي بتصحى بالليل بس ليه؟”صدق انني لا أضحك عليه وان حواديتي فعلا ليلية فقط!!

وجاء زيزو وطبطب علي في حركة واستني…. وامتلا المكان بالاصوات الحبيبة والمعتادة مثلما الحال في كل دو راعددنا الطاولة معاً ولم ياكل الكثير عالعادة ولم اضغط عليه كالعادة برضه، وابتسمت لشعوري بالدفء المفاجئ.. وفي الخارج كانت الغيوم تغطي السماء…..

دقية محشي

2008-02-07T09:48:00.001-08:00

العلاقة بيني وبين المحشي علاقة أحب ان اصفها بالوطيدة والقوية ليس على مستوى الصنع بقدر ما هي على مستوى “البلع” ، ذلك انني استقبله مرة على الاقل اسبوعياً من طرف الست حماتي التي تحضره كما تحضر البيض المسلوق عادي جدا!!!وهذا ما اطلق عليه الاختلاف الحضاري بين البشر فعندنا- أي في بيت ابي- المحشي ده حاجة عزيزة ولا تأتي إلا في المناسبات ويلزمه تحضير قبلها بعدة ايام يتبعه ندم بعدها بعدة ايام برضه لأنه يتمسح في ثواني معدودة فنحن لا نستغرق الوقت الكافي للاستيعاب ان امامنا محششششششششششييييييييي !!والمحشي مصحوب بالقوة بما لذ وطاب من “الانيملز”!!المهم… انا لا اذكر انني عملت المحشي الا مرة واحدة في تاريخ زواجي الذي يشرف على السنة السادسة. كان نور وقتها صغيراً واضطررت للاستعانة بصديق في مجالسته كي انتهي من الحشو والتسبيكة الخ الخ محشي بقى!!! والحق انه كان منوعاً اشي كوسة على باذنجان على مش فاكرةايه، دا تاريخ، الا انني اذكر جيداً طبعاً انه كان اكبر فشل في حياتي ومنظر المحشي اللي كان في ناحية والارز في ناحيه تانية جعلني اتيقن انه لا امل لي مع عمل المحشي وان المحشي له ناسه اللي فاهمين فيه وانه يكفيني استيراده من حماتي العزيزة اكثر الله من محاشيهاوانا لا اعرف على وجه الدقة ما الذي دفعني دفعاًً لعمل محشي للمرة الثانية خلال ست سنوات!! ذلك انه ظل من هواجسي الطويلة الامد ومن الاعمال المؤجلة على الدوام لضيق ذات الوقت ولسوابقي فيه. ولكن الدنيا برد والبرد يحب الساخن من المحشي المصحوب باللحم المنقوع في الصلصة المسبكة او الفراخ الذائبة في حرارة صينية في الفرن !! لكل هذه الاسباب غير المنطقية غامرت وتوكلت على الله ونويت ان اعمل دقية محشي !!!واستيقظت في الثامنه صباحاً وقلت لزوجي الداخل للنوم بعد ليلة عمل طويله انني ذاهبة للسوق، فقال من وسط التثاؤب “خير ان شاء الله؟؟!” قلت ابداً شأشتري خس. ولا يعلى على محشي الخس ولا كرنب ولا ورق عنب ولا ديولو هو ورق الخس!!في السوق الذي لا يبعد الا بخطوات من بيتي لم اجد البائعين الساعة كانت تمانية والبهوات لسه مجوش وتقولوا بطالة!! المهم اشتريت الخس ابو ورق اخضر وجميل بجنيه وطماطم حمراء جدابجنيه وربع وخضرة محشي بربع جنيه وفي طريق العودة كنت افكر تفكيرا عميقاً في البصل والثوم والكمون اللي هاطحنه( الكمون تشتريه وتطحنيه في البيت افضل ورائحته اقوى) والشطة والتسبيكة اللي لن اضيف لها كل ما سبق الا بعدما تسبك جيدا –علشان الرحة تضرب في العمارة!!- والورق مش هيتسلق اكبر غلط سلق ورق الخس لان به زيوت طبيعبة تعطي لذاذة للاكل، وبالمرة ااقور الكوستين اللي في التلاجة والفلفل الاخضر كفاية كده دي دقية مش اكتر!!!! المهم وضع بصل وخضرة وطماطم وعود ثوم اخضر في قاع الحلة ، يا سلام والله انا شامة الريحة من هنا!!!وصلت للبيت على اطراف اصابعي اولاً دي مفاجاة للجميع بما فيهم زيزو اللي بيقدر المحشي عظيم التقدير ثانياً ودا المهم انه برضه زيزو لو صحى يبقى دي نهاية المحشيي!! عملت كل اللي فكرت فيه وحلمت بيه قطعت الورق غسلته وفي ثواني جردت الكوسة وقورتها وقطعت البصل وفرمت الطماطم وعملت التسبيكة ، طحنت الكمون يا سلام على ريحته وغسلت الرز وصفيته كويس وطفيت على التقلية واضفت كل البهارات والخضرة المتقطعة ثم الرز!ايه الريحة دي، ذودت شوية بهارات تانية كمون على شطة يلا خلي الشعب يهيص!! حاجة سهلة.. ايه دا امال بيقولوا المحشي صعب ليه؟! ولعت على اللحمة تستوي وبدات الهواجس تهاجمني طيب لو الرز خلص هبقى اعمل صلصة تاني ، طيب لو الخس فشل ، طردت سريعاً هواجسي وتخيلت منظر الجميع وهم يهنأوني على المفاجأة وبدات المحشي على الواقف ملأت الكوسة ثم الفلفل ورصيت في الحلة ثم بدات في ورق الخس واترص اترص يا ورق الخس ، إلا انني ادركت سريعا انه توجد ما يشبه المطبات في الحلة ذلك ان الكوسة والفلفل متفاوتي الحجم والطول صنعوا ما يشبه الاخاديد العميقة والواسعة التي لا يمكن تجاوزها . هنا بقى قعدت على الارض واخذت الجميع على رجلي الحلة والورق والرز وبدات في رأب الصدع بين اطراف الحلة وكان منظراً عجيباً لا يمت للنظام المفترض في دقية المحشي التي تنتظم مكوناتها في ما يطلق عليه “سطور” فيقال سطر خس وسطر كرنب وهكذا لكن ما باليد حيلة ، اخدت الكوسة والفلفل في الاختفاء التدريجي ليظهر الخس اخيراً بس ايه مفيش صابعين شكل بعض ، يعني ممكن القول انها كانت خناقة بين اصابع المحشي وكان المتخانقون متفاوتي الطول والاحجام . طب وبعدين؟؟ ما هو لازم ان وش الدقية يكون متساوي علشان السوى!وبرقت في راسي طريقة الحجاب في الحشو وهو طريقة سهلة بدل ما نعمل صوابع نعمل مثلثات تطلق عليها حماتي احجبة، بس دي الحلة تقريبا خلصت وبعدين القلق اشتغل لان زيزو ممكن يصحى في أي لحظة تروق له وفي هذه اللحظة بالذات لقيت نور امامي عينيه نصف مغلقة “ماما بتعملي ايه” ” بعمل محشي يا حبيبي” ” هو دا؟” ” موش باين ولا ايه؟؟!!” واستغرقت في التفكير ذلك انني لم افلح في لف الاحجبة او نسيت طريقتها، وهنا حلى لنور اللعب في المياة العكرة: “ماما؟” “نعم يا حبيبي” ” هو انا هافضل كده ما اعملش حاجة؟؟!” وطبعا كنت اعرف انه يلمح للتلفزيون اللي لحس عقله خلاص ” يعني عايز ايه” ” بابا اتفق معايا ان التلفزيون الصبح لي وبالليل له” وفعلاً دي كانت اخر صيغة للتعايش اتمضت منهما على اساس تقسيم الانتفاع من التلفزيون ” تلفزيون ع الصبح كده دول لسه نايمين” ” ازاي؟” اه جبته لنفسي ” دول لسه بيفطروا وانت كمان لازم تفطر” وانهمكت في عمل ساندويتش له وفي التفكير والتوتر زيزو الوحش قادم نهاية المحشي تقوض الحلم!!!! ” ماما” “ايوة؟” “تعرفي انا بحب فيكي اكتر حاجة ايه؟؟” “!!!!!!!! اندهاش عميق وجودي عبثي” “ايه؟!” “ضحكتك يا ماما يا حبيبتي” “شكراً يا حبيبي بس اتكلم ببشويش علشان زيزو ما يصحاش” ولا كاني اتكلم معه ” ايه الكلمة اللي بتضحكك يا ماما؟؟!” لا امل في المقاومة ” اللي بيضحكني كلمة زغازيغ – يعني زغزغة- ” فقال “زغازيغ زغازيغ” وطبعاً ضحكت جداً فقال ايوه انا باحب ضحكتك دي، هما النينجا فطروا ولا لسه؟” “نور روح افتح التلفزيون يا حبيبي” نرجع للمحشي، كان شكله النهائي عجيباً في غاية الهرجلة والفوضى، بس صبرت نفسي وقلت المهم السوي، ولكي احكم الدقيه قمت وضعت طبق على وش الحلة علشان الاحكام. وضعت الشربة وتوكلت على الله وولعت على المحشيييييييييي!! يا سلام على الريحة وبالمرة وضعت اللحمة المسلوقة في صلصلة على نار هادية، فلتصحو يا زيزو كما يحلو لك وكأنه سمع النداء سمعت “هئء هىء” وطرت اليه واخذت امنيه بالمحشي القادم ، شوية وانا بابص كده لقيت غطاء الحلة تقريباً هيطير من فعل قوة تدفعه للطيران بعيداً عن الحلة كشفت الحلة فاذا بي امام ما يشبه المعركة بعد نهايتها رز في ناحية والورق في ناحية تانية والطبق المسكين موش باين ، ولا اتهزت شعرة في رأسي كتمت الغطاء على الحلة وهتستوي هتستوي وهتكون محشي ولا في الاحلام!!!! ووقفت زي اللي مستنية نهاية ولادة متعسرة هي متعسرة بس هتولد!!! وبعدين ايه الميه دي اللي طلعت منه يالهي!!! بس اللي صبرني الريحة والله وحسيت انه لا بد لليل ان ينجلي! فين وفين لما الميه نشفت هديت عليه وانا ادعو الله الا يخذلني لعدة اسباب : اولا الاستثمار الذي وضعته في دقية المحشي ثانياً لا طعام اخر بالبيت يداوي المغامرة ثالثاً الفضيحة ، ربة منزل تفشل للمرة الثانية في 6 سنوات في صنع دقية محشي، وبدات الصور المزعجة تتداعى و….. وقطعت عرق وسيحت دم كشفت الحلة الريحة خطيرة والكمون عامل شغل، وشلت اثار العدوان الرز والخس القتلى وشلت الطبق هنا شعرت بالفخر ها هي اصابع واحجبة المحش او ما يشبه كاملة جاهزة للاكيلة!!!! ووجدت زوجي العزيز المستيقظ حالاً ينظر للحلة في تعجب ودهشة من يحلم “ايه دا” “محشي!!” لا تعليق !!!المحشي خلص اللحمة شربت الصلصة، يللا ناكل يا ولاد لقمة سخنة دا انا عاملة لكم محشششششي !!! وتراءى لزوجي ان هذا الحدث الجلل يجب ان نشارك فيه اكبر عدد ممكن من البشر ، فاتصل بحماتي التي نزلت من التاسع للسابع وهي لا تعلم ما ينتظرها!! ايه دا انتوا عاملين محشي – قالتها على سبيل الدعابة!! -اه -بجد انتي يا ام نور عملتي محشي (لسان حالها انت يا ست يا كاملة يطلع منك كل دا؟؟!!) وغرفت المحشي كان كل حاجة فيه جميلة حقيقي يعني بس هو اللف اللف لم يكن كما يجب فكان هناك الكثير من الرز المفروط بس والله طعمه خرافة خرافة!!! والله وعملوها الرجالة وعملنا المحشي !!!انا بافكر بقى اجرب اعمل بمبار!!!

برررررررررررررررررررد!!

2008-02-03T12:54:00.000-08:00

البرد يحاصرنا من كل اتجاه يجبرنا على الانكماش داخل الاغطية والبحث عن الدفء داخل التفاصيل المحيطة : النور الاصفر ، ضحكة صافية، كوب كاكاو باللبن

، نوراباجورة جانبية مضاءة طوال الليل،حكاية عن العفاريت، مدفأة

البرد يجبرنا على اتخاذ ايقاعه المجنون، نهرول الى البيت ، طامعين في وجبة ساخنة ووجه أليف يحنو علينا، وحده المغامر من يفرض إيقاعه على البرد الطاغي واللاسع...
البرد يحجب الشمس من الصعود على كرسي عرشها اليومي و يكمشها خلف الغيوم فتبدو مكفهرة كوجه من الثلج الباكي!!
البرد يغير من تفاصيل الاماكن تصبح أكبر مساحة ..فضاء لامتناهي .. نقطع فيها المسافات بصعوبة تصبح رطبة ، اقل حميمية ، تطردنا وتلقي بنا!!
وحدها الشوارع تكون لنا ،فارغة، واسعة ، قريبة تحتضنا وتفتح لنا براحها وتمنحنا دفء لا يظهر الا في جنون البرد وطغيانه…

ريموت كنترول

2008-01-08T11:37:00.000-08:00

مما لا شك فيه ان كل بيت في مصر المحروسة به ما يسمى “تلفاز” ومما لا شك فيه برضه انه لكل “تلفاز” ريموت كنترول اي جهاز التحكم عن بعد ، (لو فيه حاجة صعبة على الفهم يرجى التعليق وساقوم بالشرح..)
والحقيقة انني لا احب التلفزيون على الاطلاق ولولا ان زوجي يهتم بقناة الجزيرة وقناة اليوم ما فتحته على الاطلاق ومعلوماتي التلفزيونية ضعيفة جدا استمدها من زوجي العزيز ومن نور حماهما الله وانا لا افتحه مطلقا لو لوحدي اما اذا الح نور (وانتم عارفين بقى الحاحه!!!) افتحه على شىء غير عنيف او احاول !!!
وقد قرات انه بعد العام السابع للزواج وبعد تبخر الرومانسية تبدا المعارك على مناطق الحدود والنفوذ وطبعا الريموت كنترول من مناطق النفوذ التي يدور حولها اشرس المعارك ولان نور الله يحميه يعرف جيدا كيف يستخدم الريموت كنترول فقد اراد الله الا نحرم من تلكم المعارك اليومية بين نور وابيه!! وهي المعركة التي بدأت فعلا تثير اعصابي وتتضخم يوما بعد يوم ويتسع الشقاق يوما بعد يوم بين الولد وابيه بسبب الريموت وبدأ الموضوع بشكل هادىء كالتالي
مشهد 1
(ابو نور يشاهد نشرة الاخبار نور يأتي من حجرته يمسك بالريموت ويبدأ يقلب - ينتبه ابو نور)
- ايه ده مين الي قال لك تقلب
* (نور يضحك ويستمر في التقليب ) عايز اشوف الاطفال
- هات يا حبيبي الريموت ( بهدوء) هات يا بابا الريموت
* (نور ما زال يقلب)
- (بدأ ينفعل) نور نور نورررر مش سامعني باقول لك هات الريموت؟؟؟!!!
* (نور يقلب ويجد القناة التي يريدها فيجلس مبتسما على الاخر)
-(علامات ذهول من ابو نور ، غضب مكتوم يترك الساحة ويدخل جوه )
—— (صمت من الجميع نور يشاهد التلفزيون بابا زعلان انا عاملة مش واخدة بالي)
بعدما ينتهي نور من التلفزيون بعدها بساعة يذهب ليتحدث مع بابا ، ولكن بابا ما زال غضبانا يندهش نور ولا يدري لماذا لا يرد بابا
* بابا انت ما بتردش ليه
- (بابا ينظر في صمت بغضب ) يأتي نور جزعا هو بابا ما بيردش علي ليه يا ماما ؟
/ علشان قلبت التلفزيون من غير استئذان وبابا كان بيشوف النشرة وكده عيب يا نور!!
* معلش يا بابا يا حبيبي انا كنت عايز اشوف البرمانج(يعني البرنامج) التاني
-بابا ينظر ثم يبدا يلين ونور مش عاطي له فرصة بوسه وحضن ومعلش يا بابا فطبطب بابا وانتهى الموضوع
مشهد 2
بابا برضه قاعد يتفرج على النشرة وجاء نور ولانه ولد مؤدب استأذن ولان بابا مندمج في النشرة لم يستمع وبدأ نور يقلب القنوات ونفس رد الفعل
- مين قال لك تقلب؟؟
* انا استأذنت وانت ما رديتش علي فقلبت
- ايه ده هات الريموت (بحده) هات الريموت
* نور يخاف فيرمي الريموت ويأتي بسرعة لماما
* (خائف وغضبان) شوفتي جوزك بيزعق في ازاي هو تلفزيونه لوحده ولا ايه؟؟
/ (انا هاموت واضحك) عيب يا نور بابا عايز يتفرج على النشرة
*(يصبر قليلا تنتهي النشرة يذهب لبابا) مش النشرة خلصت؟ هات بقى الريموت
- (لا رد بل نظرة غاضبة)
* (نور يأتي لماما ) شوفتي بقى انا عايز اتفرج على البرمانج مش هو اتفرج على النشرة كل ساعة قدام التلفزيون وانا مش عارف اتفرج (نور يزعق)
/ الزعيق عيب يا نور
* (والدموع في عينيه) لأ مش عيب انا عايز اتفرج ،( ثم يهدي اللعب وياخذ بيدي) تعالي يا ماما هاتي الريموت منه
/ (اححم) خلصت التلفزيون؟
- (ابو نور ينظر لي نظرة غريبة) ايه ده هو هيمشي كلامه علينا ولا ايه
/ _(مستعطفة) معلش هو هيتفرج شوية صغيرين وبعدين تعال انت !
-(مستسلما) ماشي يا كلب عايز ايه
* (نور سعيدا) انا اللي هاقلب
- (معترضا) لأ انا الي هاقلب لك عايز ايه
*(نور يعترض) انا عايز اقلب واشوف اللي يعجبني
/ قلب له وخلاص ولما تيجي حاجة حلوة يبقى تسيبها
(نور سعيد ، ابو نور متحفز)
مشهد3
نور هو اللي قدام التلفزيون ابو نور جاء من الخارج وعايز يزحلق نور
- ايه ده هو كل يوم تلفزيون مفيش حاجة تانية (ياخذ الريموت ويبدا التقليب) نور يصيح ويتنطط ويبكي (بابا مستمر في التقليب)
* مش انا اللي فتحته الاول يبقى انا الي امسك الريموت
- انا عايز اشوف القاهرة اليوم
* انا بقى مش عايز اشوف عمرو اديب ده انا عايز الفيلم
- كلامي هو اللي هيمشي ، نوووررررررررررررر
* (نور يبكي بكاء مرا ) هو مش بيته لوحده انا عايز اتفرج على التلفزيون
/( احتج شوية بقى ) ينفع كده؟؟؟
- ايه ده هو هيمشي كلامه علي ولا ايه؟ (نور يبكي ابو نور مصر على موقفه ذياد يشاهد الموقف ويحاول ان يفهم ما ينتظره وما هي الاستراتيجيات التي يجب اتخاذها في المواقف المشابهة) ربع ساعة نور خطف الريموت وقلب القناة وجري
- انت يا ولد (صاح ابو نور بعلو الصوت) نور اختفى
/ نور ادي الريموت لبابا يا حبيبي يالله بقي انا زهقت من المشاكل دي
* خليه يجيب على الفيلم
- والله يا كلب ما فيه تلفزيون اصلا ، هيه(يغلق التلفزيون)
*( نور يضحك)احسن ، علشان ما تشوفش عمرو اديب صاحبك!!!
- ابو نور يفتح التلفزيون تاني على القاهرة اليوم ، نور يذهب لخطف الريموت بابا يلحق ويبعده (خناقة) يتراجع بابا (القاهرة اليوم لسه شغالة) بص يا نور (بهدوء) انا باحب اتفرج على البرنامج ده سيبني بقى انا طول النهار بره وعايز اتفرج شوية
*(يسحب ناعم جدا جدا) ماشي يا بابا يا حبيبي بس بص احنا نتفق اللي يفتحه الاول يبقى الريموت معاه ومحدش يقول له هات الريموت ماشي؟
- ماشي يا حبيبي
*طيب ما انا اللي فتحته يا بابا وانتا جيت لقتني باتفرج
- (الصبر خلص) وبعديييييييين بقى معاك؟؟؟
* طب خلاص من بكرة اللي يفتحه الاول محدش ياخد منه الريموت؟
-ماشي يا عم
مشهد 10000
(زعيق لرب السما على من ياخذ الريموت وعلى اي قناة يتفرج الجميع) تيته تخبط على الباب
* (نور بسرعة وبصياح يفتح الباب وقبل ان تقول اي شىء) شوفتي ابنك عامل في ايه؟ مش عايز يديني الريموت
= ليه يا ابو نور (هي تنادي ابنها كده!!) ما تزعلوش يا ابو نور
- ماشي يا كلب انت بتشتكيني لامي؟؟
= لا لا ولا شكوي ولا حاجة وبعدين يا نور تعال يا حبيبي فوق وانا اجيب لك اللي انت عايزة
* ماشي يا تيته (موجها كلامه لابيه) انا هاطلع ولما انزل هاغير القناة برضة!!!
مشهد 20000
* (نور ادرك انه يجب التوصل لصيغة للتعايش في ظل وجود ريموت واحد بالبيت)
* بابا انت يتحب عمرو اديب والجزيرة ماشي بس بقى لما يخلصوا انا بقى اقلب على اللي انا عاوزة
-ماشي يا نور بش بلاش افلام وبلاش سهر وتسمع الكلام
*ماشي يا بابا يا حبيبي ياله افتح لي التلفزيون على زكي شان
- لأ الوقتي انا عايز 90 دقيقة
* يا بابا الحاجات دي ما باحبهاش
- ما حدش قال لك تحبها!!
* يعني ايه بقى طيب انا عندي حل للمشكلة دي اشتري لي تلفزيون في اوضتي لوحدي وكده بقى ما نتشاكلش كل يوم وتتفرج على اللي انت عاوزه وانا كمان اتفرج على اللي عاوزة!! تلفزيون صغير كده!!!
- (لا تعليق) وما زالت المشاهد مستمرة

سكوت .. كلاكيت ... بارتيه !!

2007-12-26T10:33:00.000-08:00

المشهد الاول

حجرة نور الوقت صباحا ، ارتب السرير وافكر فيما سيلي من النهار : اكل ترتيب مواعين حموم ...الخ نور في لعبه التخيلي مع السيارات والكباري وعربات البوليس ..الخ فجأة ينتبه يوجه لي الكلام :
- ماما !
- نعم يا نور
- هو انتي موش هتجيبي بنت بقى؟
- (رافعة حاجباي)!!!!!!!؟ ليه يعني اية اللي فكرك بالموضوع ده؟!

- (ماسكا بسيارته اللعبة ) هيكون ليه يعني، علشان تنضف لك الشقة!!

المشهد الثاني

انا امام الكمبيوتر اصوات نور تاتي من الخلف في العابه والمكعبات وشجاره مع زيزو ثم شحتفة زيزو ثم مصالحة نور له - ياتي نور وعلى وجهه ابتسامة من سيطرح سؤال يمسك بظهر الكرسي
- ماما ؟
- نعم يا نور
- هو بابا قبل ما تتجوزوا كان متجوز مين ؟؟
- (برضه رافعة حاجباي) !!!!! اشمعنى؟ مين اللي قال لك انه كان متجوز؟
- يعنى هو بس كان متجوز مين ؟
- ما كانش متجوز يا نور !!!
-(مندهشا) الله امال كان عايش لوحده ؟؟؟!!
- لأ كان عايش مع تيتة !
- فوق ؟
- اه فوق.
- (سألته انا من باب حب الاستطلاع) وانت كنت فين؟
- (تعبير الاستخفاف اي البربشة والجدية في الرد) كنت في بطنك طبعا هاكون فين يعني؟!

المشهد الثالث
برضة حجرة نور ( وهو اشطر طفل في مصر يرتب العابه وحجرته- لاحظوا ان عمره 4 سنوات و4 شهور ) مكركبة على الاخر مكعبات على عربيات على عبوات فارغة (العاب زيزو)
- نور مش هترتب اوضتك؟!
- (محتجا) ماما انا كل يوم بارتبها قولي لزياد بقى يرتبها شوية هو كل حاجه انا !
- زياد لسه صغير يا حبيبي
- يعني لما يكبر هيرتب الاوضة؟
- طبعا!
- (مبتسما)اه هيرتبها هو وارتاااح انا بقي!! ( تعبير الاب الذي ادى مهمته في الحياة وان له الاوان ان يرتااااااح)
- ( مدركة انه لن يرتبها الان ) طيب انا هاتفق معاك بلاش ترتبها دلوقتي والصبح ان شاء الله اول حاجة تعملها هترتبها وتخليها حلوة، ماشي؟!
- ماشي يا ماما
في الصباح اذكره بالاتفاق علشان يعمل حسابه
- نور هترتب الاوضه!!
- (حانقا ، تعبير الرجل الزهقان من زوجته المفترية) موش لما افطر الاول!!!

المشهد الرابع

نور معه قطعة الشكولاته التي اشتراها له ابوه ، منهمكا يفتح الشيكولاته ويقسمها دون ان يلحظ بابا اي شىء، يتجه نحو ابيه وقد مسك بالطرفين من الشيكولاته مخبأ انهما ليسا بقسمة الحق ومبينا طرفاها الاخرين في منتهى التساوي
- بابا شوف اهم قد بعض اهم ! (ضحك هستيري مني ) ابو نور يشك في مكيدة يقلب يد نور ليرى الاجزاء المتغطيه
- انت يا فسل انت هتضحك علي انا ؟! يا حبيبي كلها كلها بالهنا والشفا !
- (رافعا السبابة وبمنتهى الجدية) انا كنت هاخدها كلها بس انا مرضيتش!!!

المشهد الخامس

( انا ااخذ المبادرة واختبر معلومات نور)
- نور!
- نعم يا ماما
- هو يعني ايه حكومة يا نور؟
- (يفكر) طبعا يعني البوليس والظابط والظباط
- بس كده؟
- اه يعني البوليس والمرور وكده يعني
- يعني مدرستك بتاعة الحكومة ولا بتاعة الناس؟ (على فكرة هو في مدرسة حكومية)
-( بدون تردد) لا طبعا بتاعة الناس!!
- ورئيسنا اسمه ايه؟
- حسني مبارك طبعا!!
- مين اللي قالك عليه
- انا اللي قلت لنفسي ( شعور بالزهو)
- انت عارف يعني ايه رئيس؟
- يعني ايه؟ (شعور بالاهتمام)
- يعني يعني المدير يعني هو المدير لكل الناس انا وانت وبابا وكل الناس في الشارع
- والبوليس كمان؟
- اه طبعا
- طيب يعني يا ماما لو عندي مشكلة ممكن هو يحلها لي؟
- (قلبي في رجلي ) طبعا
- ماشي يعني لو قلت له ان الناس بتضايق بابا وهو بيسوق هيبعت يحبسهم ؟!
- (عرق غزير مني وارتباك واضح وقلقلة) ط ط ط ...طبعا
- ( ابتسم وشعر بالامن والامان) ماشي يا ماما انا هابعت له واقول له يحبس الناس اللي بتضايق بابا وهو بيسوق ونرتاح بقى منهم!!
- ( صمت )
النــــــــــــــهايـــــــــــــــــة
نهاية الفيلم وربنا يستر !!!!!
( المشاهد المذكورة حقيقية 100في ال100 مع تصرف لاعتبارات سياسية!!)

والعافــــــــــــية قلـــــــــــــــت

2007-12-02T22:30:00.000-08:00

أعشق الحكي الطبيعي بلا رتوش وأحفظ عن ظهر قلب طريقة كل من اعرفهم في الحكي وأي الامورتأخذ الصدارة وايها يتساقط وأعشق اكثر ما يردده كبار السن ففيه كثير من الحياة الممزوجة بالحكمة والمعرفه التي لا تتوفر في أي مكان للتعليم ، وهناك حكمة أفريقية تقول عندما يموت رجل عجوز فذلك بمثابة مكتبة باكملها تحترق واحب ان استمع لما كان في جميع تفاصيله بالحنين اليه ومصمصة الشفاة عليه “وهيييه كان فيه بركة، والناس كانت بتخاف على بعضها!!” يعجبني هذا الوهم الجميل أن الماضي كان افضل والحقيقة ان الناس كانت ولازالت وستظل تشتكي من الحاضر وتحن الى الماضي ذلك انه مضى وانتهى وعرفنا ابعاده وما ادى اليه ، الخوف يكون من الحاضر الذي يلازمنا ويتغير بسرعة ، نكبر نحن وتضيع منا تفاصيل تصبح ماضيا نحن اليه
وانا اشعر بأمن غير عادي مع الناس التي تحكي الماضي وتحن اليه وتحيي تفاصيل لم اعاصرها وتلون أحداث لم أشاهدها، واقصد بذلك التفاصيل الحياتية الاجتماعية وحتى السياسية والله احيانا تكون ممتعة، والناس التي تخطت الخمسين ودخلت في طور التدين والبحث عن الاخرة تتحدث بشكل بالغ الحب عن عبد الناصر واحب ان استمع اليهم فليست لديهم اي خلفية سياسية معاصرة سيدات بسيطات يعبرن عن انفسهن بتلقائية ورجال بسطاء انكسر لديهم الشباب وانا اقلب عليهم المواجع واحيي ذكريات استكانت ومعارك مع الذات حسمت ولكني المح سعادة رغم ذلك سعادة استيقاظ الشباب فيهم والعودة للزمن الجميل العودة لتاريخهم الشخصي الانساني كانهم أصبحوا على هامش الحياة
واشعر بسعادة انني اخذتهم في هذه الرحلة القصيرة للماضي وايضا تذودت وخبرت ملمح اخر يدل على عظمة الانسان او على قسوته وانا ارى انه لا حدود لجمال الانسان ولا لقبحه ايضا ثم تكون العودة التي لامفر منها للحاضر والامراض التي تكاثرت على البدن والاحباب الذين راحوا وهيييه….. بتقلبي ايه بس علينا
!!مما جرى لي بأقوم على إيديا * والعافية قلت والشوف بقى شويـــة

الطوق والاسورة

2007-11-27T13:17:00.000-08:00

بينما يكاد اليوم ينتهي ودورة كل يوم توشك على التمام ، نور نام استعادا ليوم غد جديد ومدرسة وحكابات وزيرو قد نام هو الاخر بهدوء نادر (وذلك له حكاية اخرى!!) اقول بينما تكاد الخلايا تستكين وتستسلم لليل الشتوَي البارد ، يتناهى الى مسمعي اغنية سمعتها لفريق وسط البلد ولكن بصوت انثوي (ووسط البلد فريق جميل يمزج التراث بالجيتار الحديث واغانيه احبها بجد) - اللي غاب عن عيني ميتى يا ناس يجيني …. واه يا للي اه يا للي!!- اقوم بتمهل لارى فاذا بي امام فيلم الطوق والاسورة !
لا اعرف ما حدث لنا انا وابو نور لا نفس لا تعليق لا رمش حتى انتهت المعزوفة الجميلة على المستوى البصري ( كادرات تخطف العقل) مستوى الحوار ( عادات وحكايات واغاني وحوار واستعارات وكنايات تروي فينا هذا العطش الجميل للجيد والجميل ) اما عن التمثيل فلا اجد سوى الشكر لهؤلاء على الجهد واحترام عقلي وعاطفتي (عزت رائع سلس ، فردوس اقنعتني انها فعلا حزينة الصعيدية، شيريهان افضل فيلم لها على الاطلاق ، السيناريو رائع الاخراج تحفة الاضاءة اظهرت جمال هذه الوجوه السمراء التي انضجتها الشمس عبر السنين وشملتها بشموخ أخاذ ، لم ارى وجه منير بهذه الروعة من قبل ولا عبد الله محمود ولا احمد عبد العزيز ولم يبخل علينا المخرج ببعض الوجوه الجميلة من سكان الاقصر الحقيقين ، الديكور التفاصيل حتى الاسنان الذهبية شيء لا يصدق !!)
معزوفة رائعة كلها انسجام حزين ودائرة تلف ليصبح الحال هو الحال مهما طال الزمن فلكلور يطغى واناس تموت على قربان الجهل والتقاليد لقد بكيت بجد لوفاة فهيمة الشىء الوحيد الذي كان يتلالأ في وسط العتمة رمز للحياة والجمال والسحر ثم ابنتها فرحانة !
ومن اجمل المشاهد التي زلزلتني هو العودة بين الام والابن والحوار الجميل وأداء فردوس الواقعي الحزين وهي تطلق عليه “يا كبد امك” وانا احب جدا هذه التعبيرات يا كبد امك ، يا نور عيني يا روحي فهي جميلة عميقة معبرة بحق عما يعنيه الابن لامه (حتة علشان الاولاد!!) وكذلك مشهد النيل وضفافه والطيور في اخر الفيلم ..
وشعرت بعد انتهاء الفيلم بحالة من التوهج كأنما في رأسي لمبة 5000 وات وشعرت بروحي تسحب جسدي المثقل بكل ما هو رديء وبعطش حقيقي للجمال لتسمو وتعلو به ، ولم استطع النوم وقد جاوزت الساعة الرابعة صباحا والفيلم يفرض نفسه علي والحوار والكادرات والتفاصيل الماضية التي تتحرك امامي والناس التي كانت والناس التي اصبحت…
فين الناس دي فين الفن يا ناس اللي يهزنا بهذا العنف ويمتص طاقة سلبية ويمنحنا اخرى نقية والله حرام حرام
بجد كان يجب الحديث عن هذا الفيلم التحفة الذي يؤرخ ايضا لما كان واول ما فعلته في الصباح هو البحث عن الفيلم وعرفت انه ليحي الطاهر عبد الله وانها قصة واقعية حسبما قرأت وهناك مقال رائع اترك لكم الرابط لتستمتعوا به مثلما استمتعت انا….
http://egyfilm.com/Forums/viewtopic.php?p=95264
” واللي غاب عن عيني ميتى يا ناس يجيني …واه يا للي اه يا للي”
النهـــــــــــــــــــــــــــــــــــــــــــــا يـــــــــــــــــــــــــــــــــــــــــــــة

نور وزياد.. تدوينة أولى متأخرة!!

2007-10-30T10:26:00.001-07:00

اول كلمة .. لماذا ؟ اردت ان اسجل ، انا مرعوبة من التفاصيل التي تضيع مني وكأنها النبع الذي يفسر لي يجيب على اسئلتي .
وربما أعتقد انني لو أحطت بكل التفاصيل السابقة واللاحقة كأنما اجمع الصورة الكبرى التي معها لا أسئلة بعد اليوم.
ماذا ؟ كل التفاصيل المهملة والتي تجعلنا بشر ، بدء من خريطة وجه رجل عجوز حتى أعمق فكرة قد تنزعنا من أنفسنا!!!
مــــاذا ؟؟؟؟؟؟؟؟؟ للصراحة لا أعرف بعد لا ملامح محددة !! أردت أن ابني فقاعتي الخاصة، أن اسجل تاريخ شخصي وأن اترك لأغلى ما وهبني القدر نور وذياد رصيد من الافكار المتشابكة والممتعة وكذلك رصيد من السعادة احرص عليه كي يكون عونا في لحظات انعدام التوازن ، لي ولهم ولمن يرغب !!!!
لمن ؟ لولدي لاحبابي ولمن يعبر ولمن يغادر ولمن يبحث عن الدهشة والتي اعتقد انها ممكنة في هذا العالم الجميل المؤلم المرعب القاسي وكل ما نطلق عليه من القاب لن تغير حقيقة انه لا مكان أخر يمكننا الذهاب اليه !!!!